فــي الــصــمــيـــم

2010-07-13T13:43:00.000+03:00

الحب يعنى اتنين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش فى وسط ناس
بتجيب غداها من صناديق الزبالة

***

قصيده جحا ... لهشام الجخ

اليوم خالد

2010-06-13T13:00:00.001+03:00

فكره الحديث عن الموت من الافكار التي قد ترهقت ذهنياً ونفسياً ولكنك تستطيع أن تخرج كل ما بداخلك من شحنه في بعض الكلمات

أما أمام حادثه خالد وملابسات وفاته . تجعلك تعجز عن الكلام او التعبير او الكتابه وتكتفي بكرسي المتابع في جنبات الفيلم السينمائي السخيف الذي نحياه ليل نهار تحت سماء مصرنا المقهوره التي لم يعد فيها شئ جميل يذكرفي ظل هذه الحكومه الفاجره والعاجزه عن كل شئ

فمات خالد ... ويتم التحضير لغيره ... وسننسي خالد .. ويبقي الحال كما هو عليه الي أن تأتي حادثه جديده ليست ببعيده لنتعاطف ونشجب ونندد ونشتم ونسب ونتظاهم

وتستمر الدائره ولا جديد ...
فلا تنتظروا جزاء كل من يقتل مصري في لبنان او نيجيربا او اي بلد أخري طالما نعامل كالقطيع في بلدنا وليس لنا سعر بداخلها

الحــــــزن

2010-06-06T18:35:00.003+03:00

الحزن لا يعلمنا ماذا نكتب
ولكنه يعلمنا كيف نكتب
لذلك كثيراً ما نكره الحزن
لكن لا نقدر ان نفارقه
فهو كالظل ملازماً لنا
لا يفارقنا

بثينه وأحمد القاضي

2010-05-15T14:17:00.000+03:00

من أوائل الناس الذين تعرفت عليهم من التدوين و من المدونين واصبحنا أكثر من أخوات ونتشاور في كل كبيره وصغيره فيجبرك بأن تشعر بأنه أخوك الكبير بجد .

كنت أول من قرأ كتابه وتحمست لنشره بصراحه

مبروك يا قاضي وبجد انت تستحق كل الخير

من المدونات التي كنت استمتع بقراءتها شبه يومياً و إعجابي بقصصها الرائعه

وبعد تعاملي معها عن قرب فوجدتها مهندسه بقلب طفله صغيره لا تملك الا ان تكن لها كل أحترام وتقدير ومعزه

بجد دي كانت اجمل تجربه صممت علي نشرها وطلبتها منك يا بثينه

بجد أنتي كاتبه مميزه . وستكوني أديبه بارعه

فأنتي ونعم الأخت

من أروع اللحظات أنك تجد نجاح كل أحباءك أمام عينك وتهنئهم به . فاللحظات هذه قلما تتكرر

مبروك لاحمد القاضي وبثينه محمود

يمكنكم طلب الكتابين عن طريق موقع دار الكتب

بالضغط علي هذا الرابط

صاحب الـ 5 سنــــــــــوات

2010-05-06T08:36:00.002+03:00

كنت أحد أحلامي التي حلمت بها طوال عمري ولكنيأشهد أنك قد جئت قبل ميعاد تخطيطي فقد خططت أن استقبلك وانا علي مشارف الثلاثين . ولكنك في عامي الثالث والعشرون قررت أن تتواجد وبقوه
لم أنسي شعوري وانا أحملك وقتها منذ أن خرجت الي هذا العالم الجديد عليك وجديد عليا بك فقد كنت أول من حملك وأول من قبلك وأول من أذن لك في أذنك وقضاء هذه الليله الغريبه التي تملكني فيها شعور الي الان لم أعرف معني لتفسيره ولكنه فرط حلاوته مازالت أتذكره
أتذكر قيامي بكل خطوه من خطوات إجراءت قيدك وتطعيمك وكأنها أمس
أتذكر أول حروف نطقت بها كانت ماما ثم بابا ومن وقتها وأنا لست محمد مفيد بل أبو عبد الله الي أن جاء عبد الرحمن حتي سميت بأبو العبدين
أتذكر أول ليله تنام فيها في حضني لوحدك وقت ولاده عبد الرحمن وسؤالك المتكرر " ماما ماما " التي ابتعدت عنك للمره الاولي والاخير وظلت بالمستشفي هذه الليله
أتذكر لعبك وشقاوتك . أتذكر كل لحظه من هذه اللحظات التي ترسم معالم حياه جديده لي
أتذكر الان نقاشنا المستمر واستفساراتك الغريبه عن كل شئ وسؤالك المحرج لي عن لعبتك المفضله " زوما" وكسره عيني أمام سؤالك التقليدي عن مدي أتقاني لها
5سنوات
يمروا اليوم علي مجيئك لتنير لي انا وأم العبدين لنا طريقنا وتمسح عنا قسوه هذه الحياه أحياناً
عبد الله
أدام الله لنا ضحكتك البهيه وعطرك الذي يملئ جنبات حياتنا

ســـــــــــافر

2010-04-23T09:17:00.001+02:00

كان أحد أحلامي وانا في الجامعه هو السفر خارج مصر ولكن كلما جاءتني الفرصه ومغرياتها أتراجع .
ولكن اليوم يتملكني هذا الشعور والاحساس بالسفر
فالحياه ما هي الا مجرد فصل من فصول مسلسل التضحيات المستمره . والسفر هو أكبر حلقه من حلقات هذا المسلسل
ينتابني أحساس بالخطأ في تراجعي عن فكره السفر وأشتاق اليه اليوم أكثرمما سبق . ولكن تختلف الظروف يوماً بعد يوم
لكل من يريد النجاح والتقدم والحفاظ علي البقيه الباقيه من حلمه ويحلم بالسفر
فعليه به
ســـــــــــــــــافر
لانها لم تصبح بلادنا
سافر
لكي تنجح مثلما نجح أحمد القاضي وأحمد شقير وعبقريبنو
لانها بلد لم ولن تقبل الناجحين علي أرضها
سافر
فذل بذل وقهر بقهر فهناك ستنجح
سافر
لاننا جيل قارب علي الثلاثين وكأنه في الثمانين
سافر
عندما نعتصم سنضرب بالرصاص
وعندما نكتب سيتم إعتقالنا
وعندما نناجي ربنا سنشعر بضعفنا
وعندما نصمت سنكون منبطحين
ويختزل الجهاد في طرقعه الكيبوردات
سافر
علشان مش تشوف دموع الساعاتي علي حال البلد
علشان مش تشوف حرقه الحسيني علي الوضع الحالي
علشان مش تسمع ميدو وهو نفسه يعمل حاجه
علشان مش تقابل جمعه ويكلمك عن اللي نفسه فيه ومش عارف يعمله
علشان مش تقابل منذر ومهني والبوهي وكله بيحلم ببكرولو بأبتسامه بدون خوف
علشان محمد نبيل صديق عمري سافر ومش قادر يرجع تاني
علشان ......................... حاجات كتيره أوي
سافر
وانفصل عن كل ما تحبه في هذه البلاد
فربما تلاقيه فيما بعد
أو لا تلاقيه
سافر
**************************

من وحي مهاتفتي فجراً بأحمد عبد العدل قبل سفره بلحظات
وليت يا أحمد ما قلت لي
أكتب يا شهبندر
وليتني ما كتبت

تناقضات

2010-03-10T03:23:00.002+02:00

أفرح
لما العب مع العبدين وأبقي طاير معاهم في السما
أحزن
أني ممكن أموت واسيبهم
تفاءل
لما نتقابل انا وكل اصدقائي ونتكلم عن التغيير
تشاؤم
لما تلاقي حفنه فسده مستوليين علي البلد
أضحك
كل ما افتكر شكلي وانا بتفرج علي ماتش مهم
أبكي
لما أفتكر زيارتي الاخيره لمعهد الاورام والطفل بيقولي انا نفسي العب في الشارع مع صحابي
هدوء
لما بكون بفكر في قرار مصيري
عصبيه
عند ضغط الشغل
كل ده
بس نفسي أحس أن ربنا راضي عني

بصراحه ... مش ناقصاك

2010-02-14T08:00:00.000+02:00

" لو عندك مشكله ومش عارف تحلها ومخلياك تمشي وانت نايم وممكن تخليك تتفرج علي تامر أمين وتوفيق عكاشه وانت فرحان كلمني علي الرقم 0900 وهرد عليك بنفسي وندردش مع بعض ومن الممكن تكون أخر مكالمه ليك في حياتك "

بهذه الرساله الخزعبليه يخرج عليك أحمد عبدون صاحب الكاريزما الخنيقه التي تجعلك تكره الاعلام وسنين الفضائيات اللي خلت كل واحد شايف نفسه بيتكلم كلمتين يقعد ورا الشاشه ويعمل له برنامج
أحمد عبدون صاحب برنامج ديني شهير يستضيف الشيخ فلان ويكيل له الاتهامات ويقول له الشيخ كذا يقول عليك كذا وكذا حتي يخرج الشيخ عن صوابه ويتحول البرنامج لساحه من الخناق وسط ابتسامه صفراء وكأنه قام بسبق أعلامي . فكل برنامجه كان يسير علي هذا المنوال
ما جعلني أكتب هذه السطور وأنا أفكر جدياً في التخلص من التليفزيون وعرض الريسيفر للبيع والعوده الي عصر الراديو تلك الاعلانات عن خط " فضفض مع عبدون" يا حلاااااااااوهُُُ!!!! يعني خلاص أنا كل الناس اللي حواليا جالهم انفلونزا الخنازير والباقي منهم لسه في طوابير الانابيب علشان اروح افضفض معاك أنت
اصبح الاعلام الان مرتعاً ليس لانصاف ولا ارباع المواهب ولكن لمذيعين يتمتعون بقدر وافر من السماجه والسخافه وتقل الدم والتي تجعلك أمام عقاب مقرر عليك يومياً

عزيزي عبدون .... بصراحه مش ناقصاك

رأيت المـــــــوت

2010-01-07T20:58:00.001+02:00

كنت في جلسه مع مجموعه من الأصدقاء بالأمس وقررت أن أسافر الي بنها بعد الانتهاء من الجلوس معهم وتوجهت بالفعل الي الموقف ولم أجد سيارات الا سياره واحده متجهه الي قويسنا ( بعد بنها بربع ساعه ) فقررت الركوب والنزول قرب بنها

وبعد ركوبي وجدت سياره بنها قد أتت ففكرت أنزل أركب أم اظل بالسياره وانزل بالقرب من بنها وفكرت ولكني قررت أن أنزل وأركب سياره بنها

واثناء الطريق وكانت الشبوره تكسو جنبات الطريق فلا تكاد تري أي شئ

وبالقرب من طوخ وجدنا سيارات الاسعاف والشرطه والطريق متوقف ونزلنا من السياره لأجد سياره قويسنا مقلوبه وبجوارها سيارتين ملاكي والجثث متناثره علي الطريق

الي الأن وانا في صدمه. فقد كان بيني وبين الموت لحظه . كان ممكن واقرر ان اظل بالسياره وأكون في عداد الموتي الأن

كأي نفس بشريه أخذت أفكر في وقع الخبر علي أهالي الضحايا وابناءهم واقاربهم

مجرد لحظه كانت فارقه بيني وبين الموت

وأعتقد أنها رساله لي في وقتها

اللهم لك الحمد

خلي عندك صوت

2009-12-31T10:36:00.000+02:00

لو عايز تبقي مصر أحلي بينا

لو حابب تشارك وتغير الوضع الحالي

لو نفسك تكون عضو مؤثر وتحس بقيمه مصر

يبقي خلي عندك صوت

مش هتتعب نفسك

هتطّلع بطاقه انتخابيه وتنتخب اللي شايفاه يصلح للبلد

وتشارك في اي حدث

تطلعها أزاي؟

هنا هتلاقي الخطوات بكل بساطه

التسجيل متاح لـ 13/1/2010

بجـــــــــــد

مصر لا تحتمل التردد

لم أعد أعرف

2009-12-08T10:40:00.001+02:00

لم أعد أعرف ماذا حدث ؟ لماذا كل هذا الفتور والكسل عن الكتابه ومتابعه المدونات والصحف وما يجري ؟

كنت شغوف بمتابعه المدونات بصفه شبه يوميه وأحب أن أكتب وامسك الورقه والقلم واكتب واكتب

قرابه السته أشهر وانا لا أكتب ولا حتي مقالاً واحداً ولا أي كلمه وأكتفي بوضع كلمات بجوار بعضها لتخرج نصاً ضعيفاً لكي أسدد خانه التزامي وأقنع نفسي بأنني مستمر في الكتابه حتي أن اصدقائي المقربين بدءوا في مطالبتي وسؤالهم الذي يتردد بصفه شبه يوميه.. مالك يا مفيد ؟ ده حتي المواقع اللي كنت بتكتب فيها توقفت عنها ؟

ولأنني لست صحفياً فانا كنت سعيد بما كتبته علي هذه المدونه لان كل حرف بها يمثل لي موقفاً معين أو حدث ما أتذكره كلما رجعت الي ارشيف المدونه وكم كنت متفاعلاً وانا أكتب هذه السطور قبل ذلك . وكنت في منتهي النشوه وانا أكتب مقالاً لموقع ما او لصحيفه ما وكم كنت في قمه حماسي لذلك كنت أكتب يويماً وا انشر الا قليلاً ولكني كنت أكتب وأكتب وافرغ شحنتي في كتاباتي

الان .... لا أدري ماذا حدث ؟ فالأحداث كثيره والافكار عديده ولكني أجدني لا استطيع كتابه اي شئ . أحساس بتبلد الافكار وفتور القلم وما اصعبه هذا الاحساس

حزين لوضع مدونتي وحزين لعدم متابعتي المدونه التي أكسبتني معرفه أشخاص أعتبرهم من العلامات الفارقه في حياتي ولكن مازال القلم يعاندني ويأبي أن يطاوعني

فجلست أفكر في هذه الحاله ... للاسف لم أعد أعرف السبب

متساويان

2009-11-28T13:49:00.000+02:00

الآن أصبحا متساويان

الصمت

و الكلام

ضاع الصعود ... وبقي الأمل

2009-11-19T10:12:00.000+02:00

رغم الخروج الدراماتيكي للمنتخب من تصفيات كأس العالم ورغم المجازر والمهازل التي حدثت وبتحدث من الجانبين

لكني لم أري مشاهد وحده شعبيه متضامنه وانتماء وحب مثل هذه الايام السابقه . انها في كره القدم التي اصبحت الوسيله الوحيده التي تستطيع أن ترسم علي وجوهنا البسمه وحتي أن كانت النهايه صعبه فيكفي انها رسمت ملمحاً مهماً وهو قدرتنا علي الالتفاف نحو هدف واحد مهما كان هو الهدف

نفتقد وبشده للشئ الذي يجمعنا ونقف صف واحداً وكأننا علي قلب رجل واحد. فقدنا الهدف في السياسه والحياه والمعيشه ولم نجدها الا في الكره وهناك من يقلل منها ولكنها قادره علي رسم البهجه علي قلوب المتابعين من الصغار للكبار

فضاع حلم الصعود لانها كره قدم وفائز وخاسر ولكن مازال الامل موجود

الامل في الوقوف جنباً بجنب الي بعضنا البعض ومحاوله الاصلاح والتغيير من انفسنا اولاً . ونجعل التفافنا نحو الكره كثل التفافنا نحو اي قضيه اخري ونغير من انفسنا علي المستوي الشخصي ونعود الي مجتمعنا ونحاول غرس معني واستغلال الوحده هذه في انقاذ ما يمكن انقاذه . واعتقد ده اهم مكسب من مكاسب الوحده أهم من الفوز بكأس العالم نفسه

فضاع الصعود ....ومازال الأمل باق

للأسف ... لم تعد مباراه

2009-10-31T09:11:00.001+02:00

معني مباراه في كره القدم هو التنافس الشريف الذي بنهايه المباراه تجد الفريقين متعانقين في تبادل التهنئه لبعضهما مهما كان من هم ولكم في مباراه ايران وامريكا في كأس العالم قبل الماضيه كمثال علي روح التنافس الرائعه التي لا نراها الا في الملاعب الاجنبيه

ولكن ما يحدث هذه الايام عن مباراه مصر والجزائر ليس تعصب ولكن المعني أكثر من ذلك بكثير ويدعو الي الاستغراب والاشمئزاز معاً

فلا اعلم ما سبب الكراهيه والحقد بين الجمهورين الذي وصل ذروته هذه الايام من افعال وللاسف ليس علي صعيد الكره فقط ولكن علي جميع الاصعده و بين معظم الدول العربيه فتجد

حرق التي شيرت المصري في الشارع في الجزائر وكأننا الكيان الصهيوني

و مشكله التؤام في الجزائر والاعتداء علي الجمهور

والامثله كثيره لا تعد ولا تحصي

وكأننا لا نعرف معني الرياضه ولا نستطيع التوحد تحت أي مظله حتي ولو كانت لعبه وتنافس شريف . لذلك بيننا وبين الغرب أميااااااااااااااال وأميال

فلا تنفع مبادره الورده الحالمه ولا تشفع محاولات التهدئه المسكّنه لانها للاسف ترجع الي ثقافتنا العربيه والثرثره المعتاده التي لا تتعدي قولها اقوال لا أفعال

سيفوز من يفوز ويذهب لكأس العالم

لانها مباراه من 90 دقيقه

ولكن يبقي اللي في القلب في القلب

عامان علي الميلاد

2009-10-21T08:04:00.000+02:00

عبد الرحمن

شمعه تضئ لي الحياه

بارك الله لي فيك

والله العظيم مصر

2009-10-10T10:41:00.002+02:00

بكلمك من مصر

مصر ياسيدي

مصر يا عم مصر

مصر بالصاد ... مصر كل يوم فيها مزاد

مصر بنات وولاد بتتسرق أحلامهم

مصر أصحاب المعاشات..والبهدلة فـ آخر أيامهم

مصر بالآه..
مصر كل يوم..
يا حد راح

يا حد تاه

إستطعم الاسم كده..وإنت بتنطقه..أو بتكتبه..أو حتي لسه بتتهجاه

مصر..مصر اللي لو يوم تغني من قلبها..غصب عنك

..لازم تقول اللّه

من شعر علي سلامه

الأصلي والتقليد

2009-09-23T11:48:00.002+02:00

طوال شهر رمضان والعبدين يصروا علي مشاهده حلقات كرومبو وفي نفس واحد / هات كرومبو الاصلي

لم اعرف ان حتي كرومبو ظهر منه أصلي وتقليد . حتي أن شاهدوا الحلقات الاخري قالوا لي / لاء عايزين الأصلي . وبدأت من هنا الاسئله المتكرره من العبدين يعني ايه أصلي ويعني ايه تقليد ؟

فكره الأصلي والتقليد فكره متصارعه جداً فتجد أي شئ يظهر علي اي ساحه ما إلا وظهر له نظير تقليد حتي انك لم ولن تستطيع أن تكتشف ايهما الاصلي والتقليد

تقف أمام أي محل للادوات الكهربائيه فتجد تليفزيون 21 بوصه بـ 2000 جنيه وأخر بـ800 جنيه وعند التحدث مع البائع فيقول لك الاتنين أصلي !!

والأغرب ان مفهوم الأصلي والتقليد موجود بمصر فقط ففي زيارتي لاحد الدول العربيه قمت بشراء تي شيرت رياضي بما يعادل 40 جنيه مصري وعند نزولي ذهبت أنا وصديقي للتوكيل في التحرير لشراء تي شيرت له وجدت نفس التي شيرت بتاعي والأدهي أن زميلي قام بشراءه بـ 380 جنيه . وعند التحدث مع البائع قال لي تي شيرتك تقليد انما ده الاصلي . وعند أول مباره لنا لبست التي شيرت وصديقي كذلك ولم ننجح الي الأن في تحديد الاختلافات وانهم متشابهان في كل شئ حتي وضع البادج الخاص بماركه التي شيرت

أصبحنا الان لا نستطيع أن نفرق بين الأصلي والتقليد وتساوت الكفاتان

ولكن السؤال الاصعب بجد أحنا بني أدمين أصلي والا تقليد؟

صفحه جديده

2009-08-15T20:05:00.000+03:00

فرصه جديده يعطيها الله عزوجل لنا لتجديد التوبه . للقرب منه ومناجاته. كلنا في أشد الاحتياج لهذه الايام لدفع كل ما يحيط بنا من هم وغم .

فرصه جديده يمن الله بها علينا رغم الغفله والتقصير ويا لها من نعمه أنه بلغنا رمضان . فمننا من مات عزيز عليه ولم يبلغه الله رمضان فهذه نعمه كافيه أنه بلغنا هذا الشهر

فرصه جديده لفتح صفحه جديده مع أنفسنا ومع الاخرين .

بجد الحياه واخدانا كلنا وبننشغل عن ربنا بحاجات كتيره ولكن بجد بيبعت لنا نفحات ورسائل ويمهلنا و لازم بجد نمسك فيها

تعالوا نبدأ بنفسنا احنا مع بعض نحاول نحب بعض ونخاف علي بعض نحاول نبعد عن أي خلاف
كل واحد بيدخن سجايرأو بيعمل حاجه تغضب ربنا وهو عارف انها غلط يحاول يبعد عنها
كل واحده هتحاول تلبس الحجاب في رمضان نشجعها ومش هتلبسه نقولها كلمه طيبه مش نهاجمها
كل واحد زعلان مع واحد صاحبه أو جاره أو اي حد يلحق يصالحه
كل واحده مش هتحط مكياج وبرفان قبل الفطار علشان صايمه وبعده هتحط تحاول ما تعملش كده
كل واحد يعبد ربنا قبل الفطار وينساه بعد الفطار فرب قبل الفطار هو رب بعد الفطار
نحاول نعبد ربنا ونستغل كل ثانيه بجد لانها يا عالم هترجع تاني والا لاء
نحاول نقرب من بعض بلاش خناق أو اختلافات غير مجديه وعلي حاجات هايفه

نبدأ احنا مع بعضنا نحاول نحاسب نفسنا يوم بيوم

ونعتبرها فرصه ربنا بيرسلها لينا ونشوف هنستغلها والا الدنيا هتضحك علينا
تعالوا نبدأ خطوه خطوه ومش مره واحده علشان العزيمه مش تقل علي الاواخر
بجد انا نفسي اننا نعمل كده أنا هحاول أن شاء الله أعمل كده ويارب الجميع يحاولوا يعملوا كده

كل عام والجميع بخير

عن المعاناه اللذيذه ... أتحدث

2009-08-01T10:36:00.006+03:00

يومياً بعد رجوعي من العمل لابد من أداء الخدمه العسكريه البيتيه والتحاور مع العبدين

والتشاور في الاحداث اليوميه والتي تستوجب منك إيجاد مبرر مقنع لطفلين في منتهي البراءه :) والعفويه المطلقه الي أن يأتي مدربهم الحكيم زوجتي لتخرجني من المأزق اليومي

وبما أنني أحتفل بمرور خمس سنوات علي زواجي فتأملت حياتي في هذه السنوات لاجدها قد تغيرت تغير جذري

ففكره المشاركه في الهموم فكره منقوصه دائماً . فقد يكون لك صديق أو أخ وتشاركه بعض مشاكلك ولكن هناك حد لا تستطيع تجاوزه معه مهما كان درجه قربه لك

لكن مع الزوجه المخلصه فتستطيع وبكل ثقه أن تلقي بكل ما يشغل بالك في بحر وفاءها وانت علي يقين أنك ستجد الراحه وتعود وكأنك مولود من جديد مع الصباح

تلك العلاقه الغريبه التي لا افهمها الا منذ السنوات الخمس والتي أراها تمر كشريط ملئ بالالوان المختلفه من جنبات الحياه

تلك الزوجه التي تتحمل غيابي المستمر عن البيت وانشغالي الدائم والتي لا أجد منها الا ابتسامه مرضيه عند دخولي تختزل كل عناء اليوم في لحظات بديعه ولا تشتكي من عناءها وتعبها مع الثنائي المرعب . بارك الله لي فيكي

أما العبدين :) فحدث ولا حرج . عن الكبير الذي يهوي الكمبيوتر والذي يريده وهو نائم ويحتضن الكي بورد بيده وحديثه المستمر عن ليه حصل كده ؟ وأمتي ؟ وأزاي يا بابا ؟ أخرها تعليقاً علي لمبارك . بابا الراجل ده رخم أوي . صاحب السنوات الاربع واتخنق منه :). أما الصغير صاحب السنتين فبشائر أبو تريكه قد حلت عليه فيمسك دائماً بالكره ولابد من مباره سريعه كل ليله معه لذلك أصبح أثاث البيت جزء من حطام والحمد لله أنه مثبت في القائمه وموقع عليها من زوجتي وعشقه لكرومبو لدرجه أنه يريد بدله كرومبو :)

فأجد متعه ما بعدها متعه في هذه اللحظات الرقيقه التي هي وقود لمعاناه صباحيه وروتين ممل لم ولن أستطيع الحياه الا بقطره من بحر هذه المعاناه

خمس سنوات من هذه المعاناه اللذيذه التي أسأل الله ان يجعلها خمسون أو خمسمائه ويبارك لي في زوجتي المخلصه والعبدين التي بدونهم جميعاً لا أستطيع أن أحيي ولو لدقيقه

المراكبي الجميل

2009-07-25T09:49:00.001+03:00

أحمد القاضي . ذلك المهندس المغترب الذي يعيش الوطن فيه وترمي به بحور الغربه علي شواطئ العالم فيشد قلوع مركبه الصغير ويجترفه الحنين لكل من يعرفه من خلال تدويناته الرائعه

ذلك الأخ الجميل الذي يسعدني بسؤاله الدائم عليا وأطمئنانه وتواصله المميز معي وحرصه المستمر علي لقاءنا في زيارته القصيره لمصر كلما سمحت ظروفه لذلك

تشعر بأنك تعرفه من زمان فتجلس معه قرابه الثلاث ساعات ويمروا وكأنها لحظات ويختزل بخلقه وابتسامته الدائمه وروحه الجميله مساحات كثيره حتي تكتشف وكأنك تعرفه من سنين

ولأنه يعشق الشوبنج وليس مجبراً عليه :) فتجد دائماً حياته تحتاج الي كاتشاب لتعينه علي مواصله كفاحه في غربته . ومن هنا خرج علينا بمولوده الأدبي الأول الرائع الحياه بدون كاتشاب في مجموعه قصصيه رائعه لا تختلف كثيراً عنه

المراكبي ... أحمد القاضي

دُمت جميلاً

استقيلوا ... يرحمكم الله

2009-07-21T08:31:00.000+03:00

أولاً أنا لا أعتبر شيخ الأزهر رمزاً من رموز الاسلام كما يقول البعض ولكنه يشغل منصب أو وظيفه هو موكل بها مثلها مثل أي وظيفه عاديه

فمن يتتبع خطوات طنطاوي يجده من كل حين لأخر يخرج علينا بكارثه محققه تزيد من الطين بله علي كوارثه القديمه

فبعد المصافحه الحميمه والابتسامه البلهاء المرسومه علي وجهه عندما صافح شيمون بيريز في مؤتمر حوار الاديان السابق وبعد أن قامت الدنيا ساق لنا عذر أقبح من ذنبه وهو أنه لا يعرف من هو ؟ ( أنظر الابتسامه لتعرف هل يعرفه أم لا

ويأتي مؤتمر حوار الاديان من أسبوعين ليجلس بجواره علي المنصه ويتبادلون الاحاديث سوياً وبسؤاله عن موقفه منه قال بالحرف«قطيعة تقطع شيمون بيريز وتقطع اللى يعرفه ولعنة الله عليه إلى يوم القيامة

قمه الشيزوفرانيا العجيبه في تصرفات هذا الرجل الذي يجده دائماً يفعل ما لا يقوله فالامس كان لا يعرفه وصافحه بحراره . فاليوم يعرفه جيداً فليس غريباً أن تجد بيريز علي مأدبه غداء داخل الازهر نفسه بحجه كرم الضيافه.

أو أن رئيسنا المؤبد يفتح له ابواب المعموره بالترحيب ومراسم الاستقبال . فهتيجي عليا أنا ؟

أعتقد أن الموضوع يحتاج الي إحساس قبل أن تكون مسئولاً

الشيخ طنطاوي... أستقيل يرحمك الله

يمين طلاق بـ 40 جنيه

2009-06-29T10:02:00.000+03:00

زميلي بالمكتب أعتبره من أهم المساهمين في شركات السجائر لمساهمته المستمره في شراء أكثر من علبتين يومياً

وفي يوم تحدثنا طويلاً عن فكره التدخين بعيداً عن الحلال والحرام لان الموضوع ده بيتعبه نفسياً وشايف ان التدخين مكروه ومش حرام . المهم

وبعد نقاش طويل كعاده كل يوم قال لي / عليا الطلاق مانا شارب سجاير تاني

قلت له / ايه لازمه الطلاق بقي . ممكن تقرر انك تبطل من غير ما تحلف الموضوع مش حلفان الموضوع عايز اصرار ليس أكثر

قال لي / لاء علشان لما افكر اني اشرب افتكر اليمين( طبعاً منطق غريب جدا) واستمر علي يمينه لمده 48 ساعه

وبعدها وجدته يدخن كعادته فسألته / ايه يا عم الحاج شربت سجاير تاني ليه ؟

قال لي / انا مش قادر ياعم ابطلها وبعدين سألت وقالولي ادفع 40 جنيه كفاره يمين وخلاص

قلت له / وانت عملت ايه ؟

قال / دفعت الـ 40 جنيه والحمد لله

قلت له / والحياه في البيت ماشيه زي الفل ؟

قال/ الحمد لله وربنا يسامحني ياعم. متعقدنيش

قلت له / مين اللي قالك أدفع 40 جنيه

قال لي / شيخ بالمسجد اللي جنبنا ده ( بجوار المكتب ) ودفعتهم له

قلت له / اللي اعرفه ان دي تعتبر طلقه وبعدين أسأل حد ثقه

قال لي / ان شاء الله

وبعد يومين واحنا ماشيين قالي/ شايف الراجل اللي قاعد علي باب المسجد ده هو ده اللي سألته

بصيت بسرعه لقيت الراجل قاعد نص قعده علي باب المسجد وبيشرب سجاره

ولما سألت عنه قالولي أنه / خادم المسجد

حقاً ساحره مستديره

2009-06-22T09:41:00.001+03:00

جاء اليوم علينا والتي اختزلت فيه كل أمال واحلام الشعب المطحون في نتيجه ماتش

من 10 ايام وبعد هزيمه المنتخب من الجزائر وقامت الدنيا ولم تقعد وكأن الحياه تحولت لسرادق عزاء كبير وتحدثنا جميعاً عن كأس القارات الذي سيكون بمثابه باب زويله لكل المنتخب ولكن تأتي الرياح بما لا تشتهي سفن جميع متابعي الكره بغض النظر عن نتيجه مباراه أمريكا

فعند الفوز تجد جميع طوائف الشعب في منتهي السعاده والاغاني الوطنيه من نوع ( أصله معداش علي مصر-مشربتش من نيلها ) والدموع والاهات والليالي الملاح وعند الهزيمه ننام من المغرب ونسب ونلعن وكأننا في عزاء

جاء اليوم اللي تبدلت فيه كل شئ . أصبحت أحلامنا جميعاً في اختزال ولم ولن نجد الفرحه الا في كره القدم . في الوقت الذي فشلت فيه جميع الانظمه والحكومات والمسئولون والناس انفسهم في رسم البهجه وأدخال السرور علي قلوب المتابعين فحقاً هي ساحره لما تملكه من سطوه علي قلوب متابعيها ومستديره لانها في لمح البصر قد تبدد الفرح الي حزن كما حدث مؤخراً ومن حزن الي فرح كما حدث من اسبوع

اهم شئ في الحلم أننا نحلم حلم نقدر نحققه

مش نحلم ونتخيل أننا ملكنا الدنيا وفي الاخر

نصحي علي واقعنا المرير

علي الاقل علشان نضمن أننا هنبتسم ولو للحظات متتابعه

نهايه فصل من المأساه المعتاده

2009-06-15T11:12:00.001+03:00

أصبحت في الفتره الاخيره أترقب التغيرات التي أستجدت علي المجتمع والتي تكاد تفقدك الاحساس بالدهشه من فرط التحول الرهيب فيه

فقضيه المهندس شريف قاتل أسرته أخذت مني وقتاً طويلاً في متابعتها ودراستها

فقد يتعجب البعض من أني اشفق علي هذا الرجل الذي راح ضحيه لحظه طيش فقد فيها كل ما يملك وقام بقتل أسرته بالكامل خشياً الفقر

لا أنكر أنه مع قله الايمان نجد أكثر من ذلك ولكن هل هي لحظه فارقه قد تحًَول الانسان من شخص عادي الي انسان متجرد من كل الاحاسيس ويرتكب مثل هذه المجزره؟

فنهايه هذه القضيه كان الاعدام وهو كان ما يتمناه ويطلبه هذا الرجل في كل حوارته والتي وضع له القدر السطر الاخير أمس برحيله في محبسه أثر أزمه قلبيه

فأنا لست ضد هذه العقوبه ومعها جملاً وتفصيلاً ولكن شغلي الشاغل منذ بدايه القضيه هو التحول المفاجئ لهذا الشخص

أخشي أن نشاهد المهندس شريف كثيراً وكثيراً في مجتمعنا اليوم في ظل كم المتناقضات التي نحياها

فتختلف طريقه التعبير ودافع التصرف

وتبقي النتيجه واحده

هي بقت كده ؟

2009-05-25T21:03:00.001+03:00

ده إعلان نازل صفحه أولي في جريده الشروق عدد يوم الاحد

مساحته نصف الصفحه الاولي

وده خبر في الصفحه السابعه ( أيوه السابعه ) من نفس الجريده

وفي نفس العدد

علي رأي منذر هي بقت كده ؟

مش فاهم ولا لاقي اي مبرر لكل الضجه اللي معموله للهيفا دي بجد يعني . والهبل والهوس اللي الناس فيه ده

بتاع اللبن قاعد متنح قدام العاشره مساءاً وكأنه في حلقه تمرين اليوجا و الواد خطف رغيف فينو وجري ولا هو هنا واقوله يا عم الحاج الواد خطف رغيف الفينو وجري. يقولي وهو بيبتفرج علي الهيفا وهبي ولا هاين عليه يبص لي : ايوه بـ 15 قرش الرغيف يا استاذ وهو عايش في الغيبوبه

ولما يتوفي رجل بحجم محمد نصير ينزل خبر زي ده وعلي استحياء وكأن شئ لم يكن أيه يعني ما كلنا هنموت

الادهي بقي لما الاقي زميلي في المكتب بيقولي ده انا طول الليل صاحي. قلت له ليه من الحر . قالي لا ياعم من هيفا ده احنا طلعنا ظالمينها. فرحها مش بـ 50 مليون ولا حاجه ده أحنا شعب بتاع اشاعات. قلت له مين قالك . قالي هي أمبارح في البرنامج أنت مشفتوش

قلت له لاء قالي يا رااااجل ده انا عرفت من الجرنان لما كان معاك وروحت نمت شويه وقلت السهره النهارده ماتش وهيفاء

قلت له محمد نصير مات ؟ قالي عميل عندنا في المكتب ده ؟

قلت له جوزيه هيسيب الاهلي . قالي طبعاً 160 الف دولارفي الشهر أحسن من 80 الف دولار بتوع الاهلي

والله قلت وقتها خلي اللي بيخطف الفينو يخطف

واللي بيسهر لهيفا يسهر

واللي يأخد 160 الف دولار يأخد

واللي يموت يموت

وأحنا نستحق أكتر من اللي أحنا فيه وأكتر

أهو بنقضيها

هول الصدمه

2009-05-14T12:01:00.000+03:00

منذ يومين وانا في الميكروباص بجوار السائف ومنهمك في قراءه أحد الكتب سمعت صوت أصطدام عنيف بالسياره وفرمله رهيبه فنظرت فوجدت عجله ملقاه علي الارض وشاب طائر وسقط علي وجهه والدماء تنزف

بنظره سريعه علي السائق فأذا به يبتسم ابتسامه ساذجه وأذ بالشاب المصاب ينهض سريعاً ويقول بكل حده للسائق / ايه يا شريف يلعن ابو التهريج اللي بالشكل ده . متهرجش معايا تاني

فرد عليه شريف/ هو انا لسه هرجت ده انا مش عايز اقرص عليك دي حاجه صغيره يا ابن ........... مع ضربه قلم - سمعها أخر من في الميكروباص-أقابلك بالليل علي القهوه وتكون جبت المصلحه

ومشي الشاب واستمر السائق في القياده وكأن شئ لم يكن

فأدركت وقتها لماذا نزداد تبلداً يوماً بعد يوم

ولا تنسوا الفضل بينكم

2009-04-23T13:15:00.001+02:00

من أعظم الأشياء انك تدين بالفضل لمن هم كانوا سبباً في تقديم لك أي شئ أو منحوك فرصه ذهبيه لتحقيق أحد أحلامك

ولكنه من الشرف لي أن أعترف بفضل هذه الزوجه الحبيبه علي كل افراد أسرتنا الصغيره فتتحمل عبء لم ولن أقدر علي تحمله مطلقاً . فالعبدين وحدهم يحتاجون الي انسان ألي يجوب البيت ليل نهار ليلبي لهم طلباتهم التي لا تنتهي

والاغرب انك تجد ابتسامه مميزه منها عند هذه المعاناه منها بكلمه تذيب كل هذا العناء/ هما دول رسالتي

أما بخصوص المشكله الكبيره بالبيت وهو العبد لله فأعتراف انها قد منحتني كل سب العيش ووفرت لي كل وسائل النجاح وكانت سبباً رئيسياً بعد الله عز وجل فيما انا فيه الأن . فحقاً تستحقي مني أسمي ايات التقدير والامتنان والأعتراف بهذا الجميل

زوجتي الحبيبه

كل عام وأنتي فوق رأسي

هيييييييييييه ... بقولك أنت

2009-04-08T14:04:00.002+02:00

بشخطه فظيعه تكاد ان تصيبك بالسكته القلبيه يصرخ ممدوح فرج في إعلانه العجيب

لجميع المشاهدين ( الرشاقه مسئوليه كبيره هييييييييييه .. بقولك انت ) ولو أن الاطفال شاهدوا هذا الاعلان فمن الممكن الاصابه بفزع ليلي يمنعهم من النوم قرابه الاسبوع

الترويج لفكره التخسيس فكره عتيقه جداً واثبتت فشلها ولا اقتنع بكل المسلسلات الفاشله التي ينادوا بها ليل نهار ولكن الاغرب من ذلك ان تأتي الدعوه من شخص يزيد عن الـ130 كيلو ( وكده كمان بكرمه) ويكلمك عن الرشاقه والمرونه و لو كنت قدامه دلوقتي كان هيأخدك نص حراميه عقاباً لك علي السمنه لا والادهي انه بقي نجم سينمائي

فلو سنحت لي الفرصه بمقابله ممدوح فرج وبعد الحصول علي الاتوجراف منه هسأله

أنت مش ناول تعتزل بقي ....هيييييييييه بقولك أنت

محمد أبو زيد

2009-04-04T10:46:00.003+02:00

محمد أبو زيد . ذلك البستاني الرائع الذي تشعر مع شعره أنك أمام لوحه رائعه يرسمها الحزن بريشه فنان تطاوعه الكلمات

ذلك الشخص الذي يجعلك كثيراً تقف أمامه بمنتهي الاعجاب من فرط وفاءه وجم أدبه وبديع إخلاصه والتزامه الحاد بمواعيده :) فتظبط ساعتك علي اللقاء معه

لم أنسي أول لقاء جمعني به وكان في رمضان منذ ثلاث سنوات وهو بالمناسبه أول مدون التقي به علي ارض الواقع ونحن علي تواصل دائم شبه يومي يحدثني وأحدثه وكأننا أخوات من الصغر. جاء وفي يده ديوانه الثاني ومجموعته القصصيه للاطفال التي أهدي فيها عبد الله إهداء رقيق

انظر الي هاتفي لاجد رقمه وعند الرد أجد صوت مفعم بالتفاءل يقول / شهبندر

ويتودد اليَّ خوفاً من فرض الجزيه عليه :) فهو حقاً الوفاء متجسد في هيئه رجل

اليوم ينطلق موقع الكتابه : موقع الكتابه العربيه الحديثه الذي يتولي هو رئيس تحريره ويضم نخبه من أروع الكتاب الذين يرسمون ملامح للكتابه الحديثه

مبروك يا صديقي الوفي

فأنت تستحق كل هذا الخير

أه يانااااااااااااااا... تعبااااااااااااااااااااانه

2009-03-18T09:08:00.000+02:00

بعد أن تأكدت أن الازمه المرورويه في مصر زيها زي اي ازمه بنمر بيها في مصر ( عشره عمر يعني ) منقدرش نستغني عنها لدرجه انك لو وصلت بدري شغلك 5 دقايق ممكن يوصل بيك الحال ان دموعك تخونك من فرط الفرحه

المهم بدأت اتغلب علي ده بأني اقرأ كتب وانا في المواصلات وغالباً بتخلص وانا لسه موصلتش . المهم أمبارح بقي كان يوم حافل لاني وبعد ما ركبت وبدأت اقرأ لاقيت السواق شغل الكاسيت بصوت عالي جداً والادهي ان الموسيقي كلها خبط ورزع ولا مفهوم ولا كلمه او ممكن تكون كان في كلام بس مش مسموع لدرجه خلتني مش عارف اركز

فقلت للسواق / وطي الصوت شويه علي قدك لو سمحت فؤجئت بنظر معظم الركاب لي وكأني أخطأت او شتمت السواق ولسان حالهم بيقول ( مين الغريب اللي عايز السيمفونيه الرائعه دي تتقفل ) ولاننا في بلد ديمقراطي وتطبق فيه الشفافيه فلم يهتم السواق ولا حياه لمن تنادي نظراً لاستجمام الزباين

المهم استسلمت للامر الواقع وقفلت الكتاب وقلت اهو ساعه استحملها بالطول والعرض والاغنيه الجهنميه شغاله ( أه ياناااااااااااا .. تعبانه ...........أه يانااااااااااا ... تعبااااااااااااانه ...............) ومش عارف في كلام تاني والا لاء

الاغنيه مدتها حوالي تلت ساعه وكلها كده وخبط ورزع والناس في قمه الاستمتاع وكأنهم بيستمعوا لأم كلثوم في حفلاتها

ايوه مبسنعش اغاني ومش مهتم خالص بالقصه دي . بس فعلاً وصل الحال لكده مفيش اي حاجه خالص والناس ايه ؟ مستمتعه استمتاع فظيع

لما وصلت الشغل بدردش مع زميلي وبقوله اللي حصل قالي / انت مجنون مش عارف الاغنيه دي دي مكسره الدنيا

فأكتشفت فعلاً تقصيري وعدم متابعتي للدنيا المكسره وجهلي بالانواع الجديده من الفن الاصيل

وأه يانااااااااااااااااا يا دمااااااااااغي

حمدي قنديل

2009-03-08T10:45:00.001+02:00

شاهدت بإعجاب شديد حلقه العاشره مساءاً والتي كان ضيفها الاعلامي الشهير/ حمدي قنديل

فبعد توقف برنامجه الشهير ( قلم رصاص ) في قناه دبي منذ ما يقرب من شهرين وهو يبحث عروض لتقديم برامج علي قناه أخري . وأثناء حديثه أعلن أنه انتقل للعمل في قناه فضائيه أخري تدعي ( الليبيه ) خاصه بلبيا ( أيوه ليبيا متستغربش) في الوقت الذي خرجت علينا وزاره الاعلام المصريه بدعوه تطوير القنوات المحليه لمجاراه التقدم الرهيب في الفضائيات

فكان السؤال البديهي للمذيعه عن إمكانيه عمله بالتليفزيون الحكومي فقال لها وبالحرف / لو طلبني التليفزيون المصري لتقديم برنامج لي فسأعتذر لتليفزيون ليبيا واعمل في التليفزيون فوراً ولكن لم يحدثني أحد ولن يحدثوني

فكان الرد وبصراحه في منتهي الروعه ليثبت لنا أن عجز وقله حيله دعاه تطوير الاعلام المصري

ففازت ليبيا بحمدي قنديل

ونحن نعاني من أقزام أمثال تامر أمين والباقون

إنطلاقه دار الكتـــب

2009-03-05T10:30:00.003+02:00

موقع دار الكـتــب

جدير بالمتابعه

اهم حاجه الكــاشات

2009-02-23T09:46:00.002+02:00

اسكن أمام مخبر للعيش واعتراف حصري اني عمري ما جبت عيش منها الا 3 مرات خلال الخمس سنوات التي اقيم بها في المنطقه

ولان صاحب المخبز من اعيان المنطقه فلديه مخبز خاص وملاصق للمخبز هذا فيقوم بنقل الدقيق المدعم للمخبز الخاص ويقوم ببيع الرغيف بنص جنيه ( مش غلطان والله بنص جنيه ) ده غير الدقيق اللي بيتباع ليل نهار لحد ما الواد اللي بيشيل الدقيق بقي جسمه احسن من الشحات مبروك

واثناء وجودي بالصيدليه أمس وجدت صاحب المخبز بجواري ومن شده غيظه منه سألته عن مدي الجشع والاستغلال رد وببساطه

يا استاذ وزاره التموين كلها في جيبي ده المفتش قاعد ليل نهار عندي ولا يقدر يتكلم كلمه واحده عارف ليه ؟

علشان كل يوم وهو مروح بيأخد الظرف والخبزه المخصوص بتاعته. يقدر بقي يتكلم وبعدين الشوال بـ 16 جنيه ببيعه بـ 80 جنيه مش أنا أولي؟

قلت له وانت كده مبسوط لما الناس بتتعذب ومش لاقيه عيش ؟

يا استاذ اللي يتعذب يتعذب وانا مال ........اهم حاجه ( نقفش الكاشات ) يعني الفلوس وسابني وخرج

حتي الحلاقه بقت صيني

2009-02-03T08:01:00.034+02:00

اثناء جلوسي مع مجموعه من الاصدقاء في وسط البلد فؤجئت بدخول شاب صيني يحمل في يديه شنطه انيقه ويتحدث العربيه بصعوبه قائلاً / حد يحب يحلق وعارضاً أسعاره المغريه 5 جنيه للشعر و2 جنيه للذقن

المهم انصرف الشاب في هدوء متوجهاً الي أخرين. الملفت للنظر مدي صباحه الشاب وروحه العاليه وإيمانه بما يفعله حتي ولو كان شئ يخجل منه هم يبحثون عن فرصه عمل

كثيراً ما كان يشغلني ( الميداليه الفانوس ) هذه الميداليه المكونه من حجر ساعه ولمبه صغيره وبها ميداليه تباع في رمضان بمبلغ واحد جنيه صينيه الصنع . في حين أنك لو ذهبت لتغيير حجر لساعه يديك فعليك دفع أكثر من 7 جنيهات لهذا الحجر

والنماذج الصينيه كثيره وعديده كفيله بأنك تنظر اليها وتنظر الي نظيرتها في مصر لتعرف الفارق بيننا وبينهم

أعتقد أنه أقترب اليوم لنجد كل المصريين تحت يد الحلاقين الصينين ليس بسبب السعر فقط

ولكن هروباً من صداع الحلاقيين المصريين

عبد الرحمن

2009-01-23T11:03:00.000+02:00

عبد الرحمن

اللهم لك الحمد والشكرعلي نجاح العمليه

فكم كانت ساعات لا تحتمل

أدام الله لنا ضحكتك

وأتم الله شفاءك علي خير

يا صديق عمري

2009-01-17T13:16:00.001+02:00

يا صديق عمري

كنت موهوم لما افتكرتك صديق عمري

طلعت اكبر مقلب خدته في حياتي

وانت عارف ان انت صاحب اكبر جرح عيشته
ودوست عليه وسامحتك

صدقني

اتخدعت فيك أوي

مش هكلمك ولا هفكر اني اصالحك زي كل مره

لانك بصراحه متستهالش

ربنا يوفقك

جيلنا

2009-01-16T19:09:00.001+02:00

أنا من جيل المعتقلات والسجون

جيل من شاهد الإعدام علي الهواء

جيل من شاهد المجازر ليل نهار

جيل جثث الشباب العائدة من الخارج في اكفان

جيل أصبح أقصي طموحه أن يضحك

ولازال

العرض مستمر

موقف سخيف في نقابه الاطباء

2009-01-01T09:36:00.001+02:00

أتفقت انا ومنذر للذهاب الي نقابه الأطباء أمس للمشاركه بأضعف الوسائل وهي التبرع بالدم لصالح أهالي غزه . وقد جاءتني رسائل عديده علي هاتفي من معظم الاصدقاء تؤكد التبرع في النقابه

ذهبنا وعندما دخلنا النقابه لم نجد أي شخص يدلنا علي طريق اي شئ حتي وجدنا أسهم تشير الي الطرق وكأننا علي الطريق الدائري كل الاسهم تشير الي كل الطرق وكأننا في لعبه أختبار للذكاء

المهم دخلنا الي ممر طويل حيث تجلس سيده علي مكتب وتوجهنا اليها وسألنها وكانت الوحيده التي قد أجابتنا ودلتنا علي المكتب

دخلنا المكتب فأذا بنا نجد حوالي 40 شخص متواجد لم نعرف نسأل مين ولا نعمل ايه ؟

توجهنا الي أحد الاشخاص الجالس علي مكتبه يقوم بوضع أختام علي استمارات وبجانبه زميل له ينظر لنا بأستغراب

فسألت الشخص الجالس : عايزين نتبرع بالدم ؟

فوجدي الشخص الجالس بجواره وكأننا أطلقنا نكته فقام بالضحك وينظر لنا

فرد زميله الاخر : مفيش تبرع بالدم .التبرع بفلوس وادويه بس

فقلت له : ليه يعني مفيش تبرع بالدم

قال لي : مستشفي العريش مش عايزه دم هما عندهم دم كفايه

قلت له: يعني ايه مش عايزين دم

قال لي : النقابه بتقبل تبرعات ماديه وادويه بس

فأنفعلت وتسأءلت في حيره أزاي ولكن يبدو علي منذر انه استسلم للامر الواقع واخذني وخرجنا في حيره من ذلك الموقف الغريب

يعني ايه مش عايزين ؟

وافرضوا مش معانا فلوس يبقي بلاش يفتح الله ؟

وايه الاسلوب السئ في التعامل ده وكأننا داخلين نشحت ؟

دي نقابه الاطباء المفروض هي اللي تتحايل علي الناس وتلم منهم تبرعات مش تتعامل بهذه البلاده ومنتهي قله الذوق واللا مبالاه

يبقي نقضيها شعارات وهتافات وكفايه كده

احساس بالعجز

2008-12-30T07:57:00.000+02:00

لما سألني عبد الله

هو في ايه يا بابا بيحصل ؟

معرفتش أرد

ينفع اقوله

ان ابوك عاجز؟

كتير 6 سنوات

2008-12-27T10:52:00.003+02:00

ست سنوات لقاتل إسلام

كفااااااااااااااااايه

هو احنا هنهب
ده عيل صغير

ده واحد قتل 1200 وخد براءه

فعلاً

القضاء المصري عادل ونزيه

يوم التدوينة البيضاء

2008-12-25T12:54:00.001+02:00

معاً ضد سياسه الحجب في تونس

سؤال يطاردني

2008-12-15T10:54:00.000+02:00

سوره الاسراء الايه 14

ياتري ساعتها

هنقول ايه ؟

من الآباء ما قتل

2008-11-26T11:06:00.002+02:00

أثناء ركوبي احد الميكروباصات للذهاب لمكان ما وإذ برجل في الثلاثين يجلس بجواري ومعه ابنه الذي لم يتجاوز الست سنوات وفي يد الطفل كيس بلاستيكي به بعض الحلويات والشيبسي ودار بينهم الحوار الآتي

الأب : شوف يا حبيبي أنا بفسحك أزاي عشان تعرف بحبك أد أيه مش أمك بنت ......

الابن : يابابا ما أنت اللي مش راضي ترجع البيت

الأب : أرجع هههههه ده لما اخلي أمك تلف حوالين نفسها

الابن : يابابا نفسي اقعد مع سلمي ونلعب مع بعض

الاب : وشرف ..... لوريها وهخلي أمك تبوس رجلي واسكت بقي دماغي وجعاني

خطر في بالي سريعاً كلام أحمد شقير والي الحال الذي وصلنا إليه فقررت ان أتحدث مع هذا الرجل ولكنه نظر لي و ترك الميكروباص ونزل .

جلست أتخيل شعور هذا الطفل البرئ جراء حديث الأب

بعد عشر سنوات ما مصير هذا الطفل الذي جاء إلي الكون وجد أب طائش لم يدرك معني كلمه الأب ( مهما حدث بين الأب والأم )

فلابد من تصحيح المفاهيم المغلوطة لدي معظم الرجال ونشر ثقافة المودة والرحمة بين الأزواج ولنتذكر قول الرسول الحبيب ( رفقاً بالقوارير ) ونتذكر سوياً ان لا يتحمل الرجل نصف ما تتحمله المرأة من معاناة داخل البيت فيكون لها هو الحنون المرابط علي قلبها ولو بكلمه واحده تضيع عناء كل هم وتعب وشقاء اليوم وليعلم ان هذا هو فرض عليه ولان تقليل منه بل بالعكس فهذه هي قمة الرجولة

فانتق الله في زوجاتنا و بيوتنا و لتستمر الحياة بقدر من الحكمة حتى نستطيع الخروج بأجيال وأجيال قادرة علي التصدي لأي صراعات حياتيه و تصحيح بعض من المفاهيم المغلوطه

مش هقول ولا كلمه

2008-11-22T01:03:00.004+02:00

الاسم / ..........

السن / 29 سنه

اللعبه / كابتن منتخب مصر لكره السله لمتحدي الاعاقه

الانجازات / برونزيه بطوله الامم الافريقيه

الوظيفه / لايعمل حتي الان رغم وعود المسئولين المستمره

مرتبه من نادي امبابه / 12 جنيه ( أثني عشر جنيهاً )

والله ما غلطت في الرقم

ومش هقول ولا كلمه تاني

وأختلطت المقادير

2008-11-18T11:24:00.004+02:00

لماذا أختطلت أقدار الناس في هذا الزمان ؟

أصبح الصغير كبيراً

وأصبح الجاهل عالماً

وتموت فيه كلمه الحق

لسان حالي

2008-11-10T09:40:00.004+02:00

الخوف حيطان جوايا تتهدّش

الخوف وطن وسجون ما تتعدش

الخوف خرس تسمع وما تردش

الخوف قانون حدِّشْ يِكَلِّم حَدِّشْ

الخوف بيتفتش

من قصيده صلاه الخوف للرائع محمد ابو زيد

بلاها تعليم

2008-11-03T17:33:00.004+02:00

لما يبقي حلمنا ان أولادنا يطلعوا أحسن مننا وكل واحد فينا علي استعداد ان يبيع اللي وراه واللي قدامه علشان يعلم ابنه
لما يوصل بينا الحال اننا ننوصلهم الصبح المدرسه بالشنطه والكتب ونرجع نأخدهم ملفوفين في كفن
لما المدرس يعذب اسلام كده والمحترم اللي زيه يخوف خديجه كده لحد ما الملايكه دول يموتوا
طيب مستنين ايه؟
يعني مش كفايه الجهل والفشل والعجز ودم قلبنا اللي بتمصوا ليل نهار
كمان هتحرقوا قلبنا
وتموتونا بالبطئ
يبقي كل واحد عنده ابن رايح المدرسه مينساش يأخد منه الوصيه قبل طابور الصباح
يبقي بلاها تعليم بلا نيله
والله العظيم
العبدين يقعدوا جنبي أحسن

عبد الرحمن محمد مفيد

2008-10-22T09:54:00.002+02:00

عاماً علي إشراقتك يا عبد الرحمن

دُمت جميلاً

*****

تهنئه من عبد الله الي أخيه

No Fear

2008-10-13T12:42:00.004+02:00

أحب صوره الي قلب محمد جمعه

من حوالي 15 يوم وجدت رسالة علي موبيلي تقول ( تعرف أن زى بكره هيكون مر سنه بالضبط علي أول مقابله بينا. يارب يكون عندك دم ونفضل صحاب علي طول وندخل الجنة مع بعض )
قرأت الرسالة ولم أعرف ماذا أقول ؟ لأنها تحمل اسم ورقم محمد جمعه
ذلك الشخص الذي يدخل قلبك دون أستاذان وتشعر وكأنه أخوك الذي لازمك منذ صغرك .
في بداية التعارف كان يجلس محمد صامتاً طوال الوقت حتى أن محمد أبو زيد قال له أنت محمد الصامت :)
ولكن بمجرد أن تتعود عليه تجده وكأن ماسورة كلام قد انفتحت ولم ولن تستطيع إغلاقها فعلي المدونة تجد شخص يحكي لك يومياته بمنتهي السرد وعندما تجلس معه تجد شخص أخر
كثيراً جداً أكون في أشد الاحتياج للكلام وأجد موبيلي يحمل مكالمة منه ونتحدث وكأنه الشخص المناسب في الوقت المناسب . محمد جمعه تشعر بنقاء السريرة والطيبة وجدعنه أبن البلد الشبراوي الجميل رغم أنه بيعز النكد زى عنيه وبينه وبين النكد عقد احتكار ولكنك لا تستطيع أن تكرهه وكأن حبه شئ أساسي من متطلبات الحياه. محمد يستحق الكثير والكثير للحديث عنه ولكن مشكلتي هو عدم الاجاده في الحديث عن ما أحبهم

كل سنه وأنا وانت أخوات وأصحاب وفي ود مستمر لا ينقطع أبداً

For Epitaph

2008-10-12T09:13:00.004+02:00

We are a group of Egyptian bloggers really bothered by the blockage of the two-year-old blog "Epitaph_87" ( http://www.epitaph-87.blogspot.com/) along her gmail account (epitaph87@gmail.com), since October, 4th , 2008. She has sent you her problem and requests on Google Help Center and Blogger Support, but in vain. We wish that you'd help us retrieve that blog and account and answer the requests of our fellow blogress, sending you from (epitaph_1987@hotmail.com), and hopefully ASAP!Just for notice, we have published this problem on our

blogs

we send this message to
support@blogger.com

Thank you

مرحباً بــ ( ليلي )

2008-10-10T14:47:00.004+02:00

فتتحاور هنا و هنا

درس التروايح

2008-10-02T22:41:00.003+02:00

دعاني أحد الاصدقاء للصلاه مع العشاء والتروايح في أحد أيام رمضان في شبرا وذهبت للصلاه معه . وأثناء وصولي للمسجد وجدت المسجد به مصلين ما يقربوا من ثلاث الاف مصلي والمسجد مزدحم علي أخره .

بعد الانتهاء من الاربع ركعات الاولي جلس الخطيب لالقاء كلمه بسيطه بين الركعات وكانت يومها عن الرفق والرحمه بين الناس

وأذ ببعض من الاشخاص يخرجون من جنبات المسجد يحملون بعض الصناديق المحمله بزجاجات العصائر وأذ بالمسجد تحول لساحه من معركه للحصول علي زجاجات العصائر . وضرب ومصلين يتساقطون علي الارض وأسراب من الاطفال تأتي من خلف المسجد والمصلين في صراع علي العصير والشيخ في واد ثان وكأن شئ لم يكن.

انتهت المعركه بأنسحاب الاشخاص بالصناديق وانتهي الخطيب من كلمته وسط دهشتي من المنظر العجيب ده . وبعد أنتهاء الصلاه جلست ووجدت صديقي ينظر لي ويقول لي / عارف هتقولي ايه ؟ وضحك وقالي أمال لو تعرف ان كل يوم جمعه بعد الصلاه بيفرقوا هنا بطاطين وعلب كحك وشنط أطعمه علي كل المصلين

فأزدادت حيرتي وأندهاشي وقررت ان اتكلم مع المسئول عن المسجد ومناقشته واعرف وجهه نظره من هذه المنح او الصدقات او الزكاه او تحت اي مسمي هذه الاشياء توزع لكل الاشخاص دون التأكد من مدي احتياجه لهذه المنح

فرد صديقي وقال انه تحدث معه قبل ذلك وقال له / اللي مش محتاجها يعطيها للمحتاج

صدمت والي هذا اليوم من هذا الموقف ولا يغيب عن بالي منظر المصلين المتصارعين.

طالما هناك أموال طائله لا يجدوا لها مخارج صحيحه وفي مكانها الصحيح . فبدلاً من المعاناه في جمع اموال لليتامي والمستشفيات و الاماكن المحتاجه بالفعل . فلابد من تحري الدقه في الاماكن التي نخرج فيها اموالنا أياً كانت نوعها لضمان وصولها للمحتاجين والاماكن الصحيحه بدلاً من تكرار هذه المشاهد المأساويه العجيبه .

فعلاً / الضريح أهم من التعليم

2008-08-03T23:54:00.002+03:00

كنت أتابع أحد البرامج حتي أذيع تقرير مصور عن مشكله مدرسه بمدينه بلبيس بالشرقيه وهي أن المدرسه تحتاج الي توسعه لكثره أعداد الطلبه الملتحقين بها ولكن المشكله أن بجوار سور المدرسه وعلي بعد ثلاث أمتار يوجد ضريح لشيخ يدعي ( العزيز ) ويقال أنه من الصالحين .

فأرسلت المدرسه بخطاب الي دار الافتاء تطلب منها نقل رفات هذا الضريح وتوسعه المدرسه . فخرجت الأمانه العامه لدار الافتاء بفتوي عجيبه تقول أنه لا يجوز نقل رفاه الصالحين من المقابر

بعد عرض التقرير المصور وجدت هذا الضريح الذين يدعون أنه لأحد الصالحين ما هو الا حجره كبيره بها قبر متهالك وجدران متصدعه وكميه من الأتربه تحتاج أسابيع لتنظيفها .

وأن دل فيدل علي عدم الأهتمام به أساساً وان كان ما فائده وجود مثل هذه المقامات والقبور كمثلها المنتشره في جميع انحاء الجمهوريه وعلي يقين أن 95 % منها قصص وهميه وحكايات متوارثه من التراث الشعبي

فمن هو الشيخ العزيز هذا حتي يتم حرمان المدرسه من التوسعه والا ستجد أطفال القريه في الشوارع لعدم وجود مدارس بها رغم أن وجود مدرسه مثله مثل عدم وجودها ولكن ليس لهذا السبب أن أدافع عن وجود القبر بحجه أن التعليم ليس أهم من الضريح كما قال أحد أعضاء المجلس المحلي بالتقرير

فلماذا لا تكلف دار الأفتاء بنفسها النزول الي مكان المدرسه والنظر بعين الطبيعه الي المدرسه والضريح وأصدار القرار الذي يحقق المنفعه العامه وليس منفعه أحد أصحاب المعتقدات الواهيه

وأستغرب جداً من وجود هذا الضريح عند مدخل المدرسه وعلي حد تعبير خادم الضريح أن الطلبه وقت الأمتحان يأتوا مبكراً ويطلبون المدد من الشيخ العزيز.فلماذا تهدمون هذا القبر ؟

والمضحك أنه لا يجوز نقل رفاه الموتي فسؤال بسيط لدار الافتاء

أذا كان هذا القبر داخل خطه تصميم كوبري أو أنشاء محطه للقطار فهل ستكون أيضاً هذا الفتوي كما هي ؟

فعلي دار الافتاء الا تصدر الفتاوي ليل نهار كما هو الحال الأن فيجلس المختص بالفتوي في مكتب مكيف ورقه عليها الختم الخاص بدار الافتاء ونوزع عليها الفتاوي لكل من هب ودب دون تحري الدقه والمصلحه العامه

ولكنه ضحك كالبكاء

2008-07-28T11:25:00.005+03:00

فاز الأهلي وخرجت الجماهير الغفيره في حاله هوس تجوب الشوارع

وتجمعت الجماهير علي قلب رجل واحد من الصباح الباكر في الاستاد

لمشاهده المباره المصيريه

وفي أثناء الحشود الجماهيريه للاهلي والزمالك

يحترق فؤاد الشعب بأكلمه ونواح ولطم وعويل

ليس لضياع فلافيو هدف

ولا لهجمه أجوجو الخطيره

ولكن

بالحكم المعجزه في قضيه العباره الشهيره

ياعم اللي ماتوا دول فقرا

ملهمش ضهر ولا ديه

أيه المشكله لما يطلع براءه

يعني هو كان عمل أيه ؟

دول 1200 واحد بس

أيه الجديد ؟

يوسف والي اللي سرطن الدنيا كلها عايش وتمام التمام

وأحمد عز محتكر البلد وعال العال

وغيره وغيره

والشعب مسالم وبيتفرج علي الماتشات

ومسلسلات اللي مجننه الناس

وبيسمعوا اغاني كلها خبط ورزع

وضاربنها طناش

هو أحنا عايزين أيه بالظبط ؟

في مباراه للكره كلنا تمام

في جنازه لفنان كلنا أنتباه

شبعنا كلام وقرفنا

في ايه تأني متعملش فينا

والا اقولك

أربي العبدين أحسن لي

ليه كده يا شيكو ... ؟

2008-07-26T01:22:00.009+03:00

في البوست السابق سألت سؤال خطر علي بالي في لحظتها وهو أحنا لسه قادرين نحلم ؟ وجاءت تعليقات ولكسلي الشديد وعدم متابعتي بعض الشئ لم أرد علي التعليقات . أن جاء هذا التعليق

أكيد مفيش احلام علشان حد يحلمها اصلا خلاص بح المولد خلص اللى حلم حلم واللى حقق حقق انت بتتكلم فى اية ؟لو انت رجل اعمال او ابنة او وزير او ابنة بس من حقك تحلم وانت فاهم و انا فاهم و انت عارف انا سافرت احلم مرتين ودى المرة التانيةبس علشان تحقق حلمك برة بلدك لازم تدوس على كرامتك ومبادئك وتفكر فى الفلوس بس وفى بلدك برضة تدوس على كرامتك بس مش هاتحقق حاجة بس انت تفضل ايه تدوس عليها فى بلدك ولا بلد غريبة ؟ انا برة بلدى و انت عارف اجابتى بس علشان خاطرى عايز اجابتك يا صديق عمرى بس بصراحة واسأل اصحابك يمكن افيدهم واغير شوية من تفكيرهم بس اكيد يا صاحبى

من صاحبك فى الغربة (شيكو )

شيكو أو محمد نبيل من أوفي ما قابلت علي وجه الارض صداقه وأخوه أكثر من عشر سنوات. شخص عنده طموح يكاد يكون يعانق السماء . أيام الجامعه كان الجميع ينظر الي النجاح والذهاب الي ماهو بعد ذلك الا هو . كان ينظر ماذا سيفعل بعد التخرج ويتحدث معك وتجد أمامك الأمل متجسد في هيئه رجل

بعد التخرج وجد أمامه كل الابواب مغلقه فقرر قرار السفر الي الخارج ولم يعلم به أحد الا وهو يحدثني يومأ علي الموبيل أنا علي حدود ليبيا يا شقيق عايز مني حاجه ؟ وسافر وعاد وأخذ يفكر في العمل هنا الي أن جاءته فرصه عمل أخري في دوله الإمارات ونفس الحال هو هو. ولكن نبرته قد تغيرت وكان تعليقه علي موضوعي بمجرد الصدمه بالنسبه لي والحاحه عليا اني أجاوب انا علي السؤال. تعجبت من تحول حلم شيكو ومن تغير وجهه نظره . هذا الشخص الذي كان الوقود لجميع أصدقائي للمساعده علي هموم الدنيا .

الاجابه بتاعتي يا شيكو وبدون لف ودوران . أحنا مش قادرين نحلم لاننا ببساطه مش عارفين نعيش

بص في الوشوش اللي ماشيه في الشارع ؟

بص في الناس اللي رايحه اشغالهم ؟

بص للشباب اللي بينحت في الصخر ؟

مش يأس والله ولكنه فاض الكيل بينا

عارف أن الغربه صعبه ومحدش فيها بيسأل عن التاني لكن صعب أوي لما تحس أنك غريب وانت في بلدك

شيكو والله العظيم وحشتني يا صاحبي

****

بوست جديد عند العبدين

سؤال .... ؟

2008-07-01T23:33:00.004+03:00

هو أحنا لسه قادرين نحلم .... ؟

عن الطب و بعض الأطباء

2008-06-25T07:38:00.008+03:00

أو أن أعترف أنني لست ممن يذهبون للأطباء الا لحدث جلل مثل أستقاله وزير تصيبني بالدهشه أو صعودنا لكأس العالم تصيبني بالفرحه المفرطه والي الأن وبفضل من الله لم تحدث. وأعتمد في مرضي علي بعض الوصفات الشعبيه التي تؤدي الي نفس النتائج .
الا مع العبدين ولأن زوجتي من انصارالمتابعه الدوريه عند الاطباء لهم .

بالأمس عند عودتي من العمل وجدت زوجتي تقول لي لابد من الذهاب لعبد الرحمن للطبيب للأطمئنان عليه . وكانت حالته ليست ضروريه للذهاب اليوم ولكني ذهبت . ولان الطبيب الذي نتعامل معه له طقوس غريبه لابد من الوقوف أمام باب العياده من الساعه الخامسه لكي تقوم بحجز الدور وتأخذ ميعاد وغالباً يكون الساعه السابعه وبعد الذهاب في الميعاد المحدد والقيام بأبرازالورقه فئه المائه جنيه قيمه الكشف وتنتظر حتي الساعه الواحده صباحاً حتي يأتي دورك وتخرج بروشته قيمتها مثل قيمه الكشف تقريباً .

حاولت مراراً وتكراراً تغيير الدكتور ولكن الحق يقال أن طبيب ماهر وذات مره قام طبيب أخر بكتابه روشته لعبد الله وكان وقتها عنده 5 أشهر صفحتين وعند شرائي للادويه فوجئت بوجود بها ادويه منومه ومخدره وممنوعه وما يقرب من 13 علبه دواء مختلفه .

بالامس ذهبت للحجز ولكني فؤجئت بأنه يقول لي ان حجز اليوم قد انتهي وعلي ٌ دفع كشف مستعجل والانتظار لليوم الثاني لكي أنتظر اعتذار اي أحد من اليوم التالي فأن لم يحدث فعلي الحضور بعد 3 أيام لاجراء الكشف .

أعرف أن حاله عبد الرحمن لم تستدعي العجل والسرعه ولكن هناك الالاف مثل عبد الرحمن يموتون من شده الالم ويبحثون عن نصف طبيب يستنجدون به ولكنهم للاسف لم يستطيعوا أن يجدوا أي طبيب

لن اتحدث عن قيمه الكشف الخياليه التي ليس لها اي معايير او مقاييس أوعن الروشتات الرهيبه التي لابد من صرفها في صيدلايات معينه غالباً ما يتعامل معها بعض الأطباء

ولكني أتحدث عن ضمير بعض الأطباء الذين حولوا مهنه الطب الي تجاره وأخدوا يبيعوا ويشتروا في المرضي المتعلقين بهم وتناسوا انهم كما يقال عليهم ملائكه الرحمه

*************

حديثي منصب علي بعض الأطباء الذين نحوا الضمائر جانباً وحولوا المهنه الي تجاره حتي لا يتم فهم سطوري خطأ مثلما حدث في البوست السابق والهجوم عليٌ بسبب رائي في الملصقات داخل المسجد

موقف غريب حدث بالمسجد

2008-06-14T07:52:00.004+03:00

كنت أجلس مع مجموعه من الاصدقاء في وسط البلد فقال أحدهم أنه يريد طباعه ملصوقات لوضعها بالمساجد كيف توضح أهميه أتمام الصفوف في الصلاه . ولكني قلت له الأهم من أتمام الصفوف هو الأهتمام بسلوكياتنا نحن في المسجد وبعدها ستجد أن أتمام الصفوف شئ عادي لانه ببساطه لان يسمح لك أحد بأن تضع قدمك بجوار قدمه ملتصقتان الا وان كان علي أستعداد لتقبل هذه الخطوه وسردنا بعض أخطاء المصلين وسلوكهم داخل المسجد وكانت جلسه رائعه .

ولكن ماحدث أمس جعلني أتأكد أن لابد من تصحيح بعض مفاهيمنا في التعامل مع بعضنا البعض وفي المساجد.

حيث بين الاذان والاقامه في صلاه العشاء وأنا في أنتظار الصلاه وأذ بطفل لم يتجاوز الثامنه من عمره قد هم بالقيام لأحضار مصحفاً للقراءه فيه . وعن دون قصد قد مر من أمام أحد الرجال الكبار دون ان يعرف انه يصلي وأحضر المصحف وعند عوده الطفل بالمصحف الي مكانه وجدت الرجل قد فرغ من صلاته وقد هم وقام بضرب الولد ضربه علي كتفه كاد ان يسقط المصحف منه ووجهه عابساً وقال له ( مش تفتح وانت ماشي ومتعديش من قدام حد بيصلي ؟ )

فنظر له الطفل ولم ينطق بكلمه وجلس ومسك المصحف ملم يفتحه . فتقدمت من مكاني الي مكان الطفل وجلست بجواره ووضعت يدي علي كتفه وانا أبتسم فنظر اليًٌ الطفل وعينيه ممتلئه بالدموع وقلت له ( أسمك أيه ؟ فلم يجيب . فقلت له اوعي تزعل ده زي والدك وعايزك تأخد بالك وانت بتدعي من قدام المصلين ) فلم يرد الطفل بولا كلمه فطبطبت علي كتفه ونظرت الي الرجل العجوز الذي ضرب الطفل فوجدته ينظر لي بغضب . فقتح الطفل المصحف وأغلقه وقال لي ( والله ما انا مصلي في الجامع تاني ) قول أصدمني. فقام المؤذن بإقامه الصلاه وصلينا والطفل بجواري وبعد أنتهاء الصلاه مباشره ذهب الولد وأخذ خذاءه وترك المسجد. فكنت في قمه الغضب وقلن سأذهب الي الرجل وأتحاور معه وعند ختم الصلاه وجدت الرجل يتحدث بصوت عال مع من بجواره وينظر لي( ايوه كل واحد ربنا كرمه وراح المدرسه وربي دقنه شبرين عامل فيها شيخ ويمسك العيال يعمل لها غسيل مخ. الواد رايح جاي مخايلني مش مخليني أركز وبدل ما يقولوا عيب قال بيطبطب عليه وبيواسيه ) وقام لأداء صلاه السنه .فتراجعت عن فكره الحوار معه لأنه من الواضح ليس لديه فكره تقبل الحوار وقررت ان اتحدث اليوم مع الرجل الذي كان يحدثه لتواصيل الفكره .

لو كان هذا الطفل أبنه أو حفيده كان سيعامله بنفس الطريقه ؟

ولو كان هو والد هذا الطفل وحكي له الطفل ما حدث ماذا سيفعل ؟

المشكله أكبر من أن نضع ملصفات علي حوائط المسجد كيف نتوضأ ؟ والبطاقه المحمديه ومااشبه من ذلك من الملصقات التي تملئ جنبات جميع المساجد. تكمن المشكله فينا نحن في سلوكنا مع بعضنا البعض فبدلا من تشجيع وتحفيز هذا الطفل علي الصلاه وان نوقفه بجوارنا في الصف بدلا من تركهم بالخلف في اخر المسجد في صف وحيد او ضربهم او التقليل منهم فربما هو أحسن وأفضل مني أنا ومن الرجل هذا عند الله .

فأعتقد ان هناك بعض السلوكيات الخاطئه المطبقه بيننا وبين الأخرين خارج المسجد لابد من تصحيحها والعمل علي أنتشارها حتي لا تتكرر مثل هذه المواقف .

وقفه مفاجئه

2008-06-07T07:47:00.001+03:00

هتعمل أيه لو فجأه حاسبت نفسك وطلعت مُقصر ؟

عن الأبوه المبكره

2008-05-28T08:39:00.008+03:00

من نعم الله عليً أنه أكرمني بالزواج مبكراً رغم عدم تخطيطي لذلك قبل الزواج فقد كنت أقول أنني سأتزوج بعد الثلاثين هرباً من تحمل المسئوليه . وأن أكون قد عشت أيامي كما يحلو لي بعيداً عن قيود المسئوليه

لكن والله حدث عكس ذلك وتزوجت مبكراً جداً وبدأت اتحمل المسئوليه رويداً رويدا حتي أكرمني الله بالعبدين لأبدأ حياه جديده . حياه مليئه بالمسئوليه اللذيذه ومتطلبات أسعي اليها وأنا في قمه السعاده وتغير في مفاهيم مغلوطه كنت مقتنع بها قبل الزواج .

علاقتي بالعبدين علاقه مختلفه لكوني ولد وحيد وبنتان لذلك لم يكن لي أخ حقيقي أتشاجر معه وأفرح معه رغم كثره أصدقائي ومدي حبي لهم لكن الأخ من أمك أفضل بكثير من الأخ بالصداقه . فبدأت اشعر بتلك الاخوه مع العبدين وبالأخص عبد الله صاحب الثلاث أعوام الذي كثيراً ما يقولون عني أني مجنون لمعاملتي لعبد الله المميزه في كوني أتحدث معه والعب معه ونخرج سوياً وكأنه أخي الأصغر. كم أحب لعبه معي ولن أنسي لحظه صلاتي كل يوم وعند القيام من السجود ينقض عليً ويقبلني يميناً ويساراً ويجلس بجواري ويقلدني وكلامه المكسر العجيب وكأن هناك لغه جديده في الاسواق :)

رغم بعض أنشغالي عنه لكثير من الوقت بحكم العمل ولكني دائما ما أشعر بأني متواجد معه بفضل زوجتي الحبيبه وما تغرسه في مفهومه طيله غيابي عن المنزل .

الأن فقط أحسست بقيمه الأبوه المبكره وكم هي فضل ونعمه من الله عز وجل وقيمه وجود أشخاص في حياتك مسئولون منك وأنت في منتهي السعاده بهذه المسئوليه

يوم المدونون المصريون

2008-05-23T19:50:00.006+03:00

أن تمسك بكتاب يجمع أكثر من مدون او مدونه وانت من بينهم ويطلب منك أحدهم التوقيع علي البوست الخاص بك أو علي الكتاب ليس بشئ بسيط .
ان تري معظم المدونين الذين تتواصل معهم عبر الكي بورد ويأتي الوقت ان تقف معهم وتحاورهم وتستعيد سطور مدوناتهم في ذهنك سريعاً ليس بالشئ بسيط .
بالطبع من حقي ان اكون سعيداً لوجود مواضيع لي. ولكن والله هناك مئات من المدونين الذين هم لهم الحق عني بالنزول في كتب ولكن لعلها البدايه وفي الاعداد القادمه نراهم .
بالطبع من حقي أن اكون سعيداً أن اري كل هذا الجمع الفظيع من المدونين عاماً وان أري مدون أحدثه ويحدثني هاتفياً كثيراً وعلي النت كثيراً وكثيراً ولم أراه أبداً وبمجرد ان اخبرته وجدته بجواري وكأننا نعرف بعض منذ سنين أنه الجميل
محمد عبد الغفار. أنت أحلي من الصور كتييييييييير وبعدين انت بسيط وأبن بلد أوي ودمك زي العسل
وأن أري أحد المدونات البنات القلائل التي اعرفهم واتواصل معهم علي النت منذ عام تقريباً وكثيراً ما اري ايميلاتها في اوقات الشده تساند وتشد من الأزر ولا تختلف عن تدويناتها كثيراً. أنها المحترمه الصريحه شيماء .
وأن اري عصفور التدوين محمد شلبي والذي قابلني بحفاوه ازالت كثير من حراره الجو والمكان . وعند مغادرتي همس في أذني وأوصاني وصيه غاليه وبأذن الله سوف اعمل بها .
والمراكبي المغترب أحمد القاضي هو الذي عرفني عند وصولي وجدته في الصف الاول ينظر لي وكم هو شخص رائع وبديع ومحترم وكم فرحتك لمعرفته ومقابلته .
وكثير من المدونين المحترمين والمدونات الفاضلات ولكني تحدث عن هؤلاء خصيصاً لتواصلنا قرابه اكثر من عام ولا نعرف بعض شخصياً وقد حدث التعارف ولو وضعت لينكات لكل اللذين قابلتهم لن أجد مكان يسع كم هذه اللينكات ولكنهم يعرفون نفسهم جيداً.
أشكر كل من تفضل بالحضور وله مني كل التحيه ولكل مدون او مدونه وقعت له ووقع لي وتحدثت معه وتحدث معي وتعرفت عليه وتعرف عليً .
ومن لم يحضر وله مني كل العذر نظراً للتوقيت الغير مناسب لظروف الجو والامتحانات والاعمال وأشياء اخري لكم مني كل الأمتنان
ولن انسي أخي وحبيبي no fear بجد طلعت عينه معايا وعذبته لكنه بجد ونعم الأخ

عن الشهبندر

2008-05-16T18:25:00.003+03:00

عندما تحدث المخلص محمد أبو زيد عني

مدونات مصريه للجيب

2008-05-14T23:23:00.004+03:00

الخميس 22/5/2008 الساعه السادسه والنصف مساءً

وسط البلد –ميدان التحرير –شارع طلعت حرب

عمر بوك ستور (مكتبة عمر) فوق مطعم فلفله

حفل توقيع العدد الاول من مدونات مصرية للجيب

حوار اجريته عن الفكره

طيب ليه كده ....؟

2008-05-08T11:29:00.004+03:00

امس وعند عودتي من العمل واثناء ركوبي للميكروباص اخبرنا السائق بأن الاجره اصبحت الضعف . فأخذ رجل في اخر السياره يكيل السباب والشتائم لمده تزيد عن 15 دقيقه للحكومه وللرئيس وللمسئولين .
لم اسمع احد يتحدث بهذه الحرقه والانفعال من فتره مثلما شاهدت هذا الرجل وعند وصولي لمكان النزول كان الرجل قد وصل الي قمه انفعاله . ولا اعلم هل وصل الي بيته انه الان في عداد المفقودين

******

اثناء تناولي العشاء انا وعبد الله أمس وعندما ظهر الرئيس في أحدي المحطات حتي صرخ عبد الله صاحب الثلاثه اعوام بشده وقال /الراجل ده رخم اوي يا بابا . فأستغربت من الجمله فقلت له ليه قال لي / هو كده رخم يعني رخم.

******

طيب ليه كده .....؟

ليه الحكومه بتعمل فينا كده ؟

ليه مش حاسه بالشعب وكأنهم من كوكب أخر ؟

ليه الكبير والصغير ناقم وبيشتم ومش قادر يستحمل ؟

بجد الناس كلها تعبانه وجابت اخرها

الشعب كله مهموم والوشوش مش قادره تضحك

المسئولين دول مش بيمشوا في الشوارع ويشوفوا الناس ؟

بيعرفوا يناموا بالليل ؟

مرتاحين البال ؟

والله من يوم زياده الاسعار والكل بيكلم نفسه

عليه العوض

حنيني لوسط البلد

2008-04-24T11:34:00.007+02:00

إلي ما يزيد عن 8 سنوات وأنا اعمل في مكتب في شارع طلعت حرب بوسط البلد . ولم أكن اعرف مدي إعجاب جميع الأصدقاء بهذه المنطقة بالذات حتي زوجتي يوم الاجازه كانت تطلب مني النزول الي وسط البلد وأتذكر جيداً تعليقي عند شيماء علي بوست لها عن وسط البلد وقولي لها انه بسبب الروتين اليومي أصبحت وسط البلد وكأنها شئ تقليدي فقدت بريقها لدي لأني بها ليل نهار .
والآن وبعد انتقالي إلي العمل في أقصي أطراف المدينة وبعد الحقد الدائم والنقءالمستمر من NOFEAR :( علي وجودي بوسط البلد أصبحت أشعر بحنين فظيع لوسط البلد وكل الاماكن التي كنت أقضي فيها يومي . ذلك البقعة الساهرة التي لا تنام بشوارعها العامرة بالمارة و المزدحمة بالمحلات والممتلئة بالأماكن الساحرة
بالفعل تبدو وسط البلد في عيون قاصديها كأنها لوحه بديعة أودعها الخالق في هذا المكان لتكون ملتقي لكل الأصدقاء وعشاقها وأنا أولهم

أخيراً هجاوب علي تاجين

2008-04-16T18:04:00.004+02:00

قامت العزيزه ساسو بتدبيسي في تاج مميز وغريب ونظراً لانه غريب فقررت الاجابه عليه وهي عباره عن 10 أسئله صعبه

1- ليه لما بأخد التأكسي من امبابه الي وسط البلد بيطلب 7 جنيه وأنا راجع بيطلب 15 جنيه علي الرغم أن الطريق هو هو ؟

2- اهتم الرئيس مبارك مشكوراً بقضيه عصام الحضري وطالب الأهلي بسرعه حلها علي الرغم من وجود ملايين الأزمات التي تستدعي التدخل منه ؟

3- كان شرطاً علي منح قناه الحياه الفضائيه بث أرسالها في مصر هو عدم أدراج اي برنامج سياسي في خريطه البرامج . فهل نجحت البرامج السياسيه في المحطات الاخري قد أتت بثمارها ؟ أم انه خوف وفزع ؟ ام انها حجج واهيه ؟

4- بمناسبه الفضائيات بمجرد افتتاح قناه للأغاني تجد مائه قناه للأغاني يتم بثها وعند أفتتاح قناه للأطفال تجد عشرون قناه مماثله وكذلك القنوات الأخباريه والدينيه و الرياضيه. فهل نحن مع ركوب الموجه ؟ ام انها لأهداف لم نعرفها بعد ؟

5 - فودافون - موبينيل - أتصالات الشركات الثلاث المرخص لهم بخدمات التليفون المحمول هل هم مع أم علي الشعب ؟

6 - يطالب أتحاد الكره المصري بزياده التعاقدات لبث الدوري المصري فضائياً كما تم مع الاتحاد الانجليزي . من الممكن ان تذكروا لي عدد 5 لاعبين مصريين يستحقوا المشاهده في هذا الدوري ؟

7- بعد موت الأهرام والأخبار والجمهوريه أكلينيكياً وفشل الدستور في أثبات الذات وتوجه المصري اليوم . ما هي الصحف التي من الممكن ان نتابعها ؟

8 - ستنتهي مشكله رغيف العيش سريعاً لاننا علي مشارف الصيف وعوده سريعه للجزء الثاني من ثوره العطشي للعام الثاني وبنجاح ساحق في جميع قري مصر

9 - لما يكون أحمد المسلماني ومعتز الدمرداش وتامر أمين ولميس الحديدي هما من ابرز الاعلامين في الفتره الاخيره . فنعرف الأن الي اين نحن نسير ؟

10 - عندما تطلب المدرسه مني كراسي ودهان للفصول لقبول أبني في KG1 لانه أصغر من السن المطلوب بأربعين يوم . نعرف لماذا تنهار المنظومه التعليمه في مصر ؟

وتاج تم تمريره من دينا

والمطلوب ذكر بعض أشياء عني

1- أعشق زوجتي

2-أحب مصر جدا ولكن لفترات ينتابني شعور بأنها لا تحبني

3-أحب السفر ليلاً والقرأءه والتواصل مع الأصدقاء

4- أعشق اللعب مع العبدين وأكره بكائهم

5- عصبي وسريع النسيان

6- غير سريع في الحديث مع الاشخاص الذين اقابلهم لأول مره

7- أحب الجلوس في الييت جداً جداً ولو أنه قليل

أمرر التاج لمين

بصراحه لكل واحد عايز يأخذ التأج ده يتفضلوا بالهنا والشفا

ولكن انا هخص بهذا التاج

منذر

NOFEAR

محمد عبد الغفار

أبيتاف

طياره ورق

علياء

كل عام وأنتي زوجتي

2008-03-29T21:05:00.004+02:00

تمر معكي الأيام وكأنها لحظات وأتذكر مرور عام سريعاً علي سطوري السابقه ومدي زعلك مني وعتابك لي علي ذكر بعض من الأشياء التي لا أنساها
فلكي مني كل الحب ولكي مني ابسط كلمات من فيض الجمائل وبحر عطاءك الفياض لي

كل عام وأنتي حبيبتي وزوجتي الوفيه
كل عام وأنتي صبوره عليً وعلي أنشغالي الدائم
كل عام وأنتي متحمله عبء العبدين
كل عام وأنتي الي الله أقرب وأطوع
كل عام وأنتي معينه لي علي التقرب إلي الله

فسطوري المرتجله لم ولن تفي لكي حقك وقدرك عندي وعند العبدين فلكي منا أجمل شموع لأروع مناسبه نحتفل بها سوياً ونسأل الله ان يديم علينا نعمه وجودك بيننا

يا أم العبدين كل عام وأنتي زوجتي

فوتر خيرك

2008-03-25T20:06:00.004+02:00

يستفزني جداً الراجل ده رغم ما تردد عن تركه الحلمه الاعلانيه وكل أعلانات مصلحه الضرائب واستمراراً لمسلسل الاشتغالات من الحكومه ليل نهار
وهوعندما أذهب الي الطبيب أو البقال أو الميكانيكي أو الحلاق أطلب فاتوره علشان ابقي متفوتر ومحدش يلبسني العمه
فوتر خيرك يا راجل يا مفحوص
وربنا يشفي

أرحموا من في الأرض

2008-03-12T23:57:00.004+02:00

أعلم أني هذه الايام أصبحت سوداوياً وحزين لاسباب معلومه وغير معلومه ولكن ما دفعني لكتابه هذا البوست المؤلم هو الأتي
عندما قمنا في موقعنا أبناء مصر بتبني مأساه قريه كفر العلو وعند تعرض الأهالي للأعتداء من الأمن وحدوث أصابات وتحويلهم الي المستشفي لم يتم اسعافهم الا بعد تدخل الأخت العزيزه مريم -أحد أفراد أبناء مصر - عندما أكتشفت صله تربط بين قريب لها والدكتور حاتم الجبلي وزير الصحه وعلي الفور أتصلت بالوزير وحكت له ما حدث مع أهالي كفر العلو وعلي الفور أمر المستشفي بأجراء العمليات والجراحه اللازمه للمصابين والاهتمام بهم.
واليوم وعند عودتي من العمل وأثناء متابعه برنامج البيت بيتك في فقره المشاكل وجدت طفل يبلغ من العمر 10 سنوات ويعاني من سرطان في الدم وعدم وصول الاوكسجين الي المخ ويحتاج الي جراحه تتكلف 100000 جنيه وطبيبه المعالج رفض اجراء الجراحه الا بعد الحصول علي المبلغ ووالده متوفي وقال بالحرف الواحد / بشوف صحابي وهما بيلعبوا بيبقي نفسي العب زيهم لان طول عمري ما لعبت لاني علي طول بقع من طولي. فوالله دمعت عيناي من شده الألم
وبعدها قام أصحاب الخير بالتبرع لهذا الطفل بالمبلغ المطلوب ولكن يبقي سؤال

ماذا يحدث لو لم تتصل مريم بكل شهامه بالدكتور حاتم الجبلي ؟

ماذا يحدث لهذا الطفل لو لم يصل لبرنامج البيت بيتك ؟

فهذه أمثله صغيره فالأمثله كثيره تجعل القلب يقطر دماً تقطر دماً
فرجاء من أي طبيب ان يراعي ضميره وربنا فيما هو أمامه من حاله للمرضي الذين يعانون من قله الحيله وليس لهم سوي الله عز وجل ليلجأون اليه في هذا الزمن
بجد اتمني ان احنا نحاول نتقي ربنا ونحاول نساعد أي حد يكون محتاج أي حاجه وحتي ولو بالكلمه الطيبه بجد بتخفف كتير أوي من الألم المتواصله التي يشعر بها اي مريض بجد لازم نبدأ بينا أحنا
معذره لأختي مريم علي ذكر هذه الحادثه ولكن والله كان ولابد من ذكرها لتوصيل الفكره وليس أكثر وربنا يبارك لك ويجعله في ميزان حسناتك

جربت .... ؟

2008-03-08T20:57:00.002+02:00

جربت تتعشى على أنغام البيانووضوء الشموع

جربت تتكلم مع قلبك ولو الكلام مش عجبك تغير الموضوع

جربت تسافر لوحدك وترجع لوحدك

جربت تبكى من غير دموع

جربت تأجل أفراحك وسألت نفسك

ليه بنعمل للميت أربعين وللمولود سبوع ؟

جربت تجرى ورا الاتوبيس أو تجرى م الاتوبيس

جربت تقف فى طابورولما تيجى تحلم ألف حاجة تقولك ممنوع

جربت الاحساس إنه ليل نهار عندك وسواس

إن قميصك مكرمش وفيه زرار ملخلخ والبنطلون مقطوع

جربت تقول لحد بحبك عشان بس تكسب ثواب

جربت تاكل من غير نفس حتى لو كان كباب وانت ميت م الجوع

عارف حلوة اوى ضحكتك لكنها بتكشفك

وتقول إنك موجوع

من شعر علي سلامه

بأي ذنب قتلت

2008-03-02T22:41:00.005+02:00

الطفل الشهيد محمد ناصر البرعي
6 أشهر
الطفله الشهيده ملك الكفارنه
6 أعوام
ورغم كل هذه الاعتداءات والانتهاكات
والاباده المستمره من الكيان الصهيوني في غزه
ومازال السفير الاسرائيلي ينعم في بلدنا الحبيبه
ومازال الغاز المصري يغذي جنبات أسرائيل كلها
والضحكات والابتسامات والحب كما بالصوره
والايدي مدنسه بدم أخواننا في غزه

اللهم أنك تعلم أن ليس لنا قوه فتقبل تقصيرنا
****
شهداؤنا في كل شبر يصرخونْ..
يا أيها المتنطعونْ..
كيف ارتضيتم أن ينام الذئب..
في وسط القطيع وتأمنونْ؟
وطن بعرْض الكون يُعرض في المزاد..
في الوطن الجريح يتاجرون..
من قصيده متي يفيق النائمون؟ لفاروق جويده

بقاله محمد مفيد

2008-02-24T00:45:00.008+02:00

يسعدني ويشرفني بالتعاون مع الحكومه المصريه الرشيده أن اقدم لكم اسعار السلع الاساسيه لكل بيت مصري مطحون ومغلوب علي امره

كيلو الطماطم 2.5 جنيه
كيلو الارز 3.5 جنيه
كيلو المكرونه 4 جنيه
كيلو البطاطس 3 جنيه
كيلو اللبن 4 جنيه
رغيف العيش 25 قرش
زجاجه الزيت 9 جنيه
كيلو السكر 4 جنيه
كيلو الفراخ البيضاء 17 جنيه
كفايه كده علشان الضغط وأصحاب الامراض

وعلي الساده محدودي الدخل الموت جوعاً وضرب دماغهم في الحيط
وتتحدي البقاله شراء سلعه نهاراً بنفس سعرها ليلاً
وهذه الاسعار قابله للزياده بعد أقل من ربع ساعه

وتحيا جمهوريه مصر العربيه

وحسبي الله ونعم الوكيل

*****
وأخيراً صور جديده للعبدين في مدونتهم

الحزن

2008-02-14T22:32:00.002+02:00

وأخييييييييييييييييييييييييييييرا ً فرحنا

2008-02-10T21:05:00.000+02:00

الله عليكي يا كره القدم
كم انتي بديعه ايتها الساحره المستديره
رسمتي البسمه علي وجوه المصريين
أدخلتي الفرحه علي قولبنا الحزينه
مبروك لكل مصري
مبروك للرجال
الذين يستحقوا كلمه رجال
مش هقول أسماء
فكلهم أبطال
أما انت يا حسن يا شحاته
فلك كل التحيه والتقدير
تحملت من نقد وتقليل من شأنك
ولكنك مصري أصيل
مبررررررررررروك يا رجال المنتخب
أدخلتم الفرحه علي كل شارع
وكل حاره وكل بيت وكل فرد
أنا مصري وأبويا مصري
وأبن مصر الله عليه

دعواتكم لهذا الرجل ولكن الأن بالرحمه

2008-02-04T09:42:00.000+02:00

اسأل الله العظيم رب العرش العظيم أن يشفيك.

مقالي عن الاستاذ مجدي مهنا في موقع أبناء مصر

*******

تحديث

كم تأخرت كثيراً في كتابتي عنك

ولم نعلم انها الوعكه الاخيره

كم كان قلمك رمح في صدور المفسدين

كم كان نقدك يهز عرش المغرضين

كم كنت وستظل فارساً ولن تغيب

بكل الحزن والأسي

وداعاً يا صاحب القلم الشريف

غفر الله لك .. وجعل الله مرضك الأخير في ميزان حسناتك

سحقاً للاتحاد الافريقي

2008-01-27T19:18:00.000+02:00

بعدما أحرز النجم الخلوق محمد أبو تريكه هدفين في مرمي المنتخب السوداني فأذا به أحتفل علي طريقته الخاصه كما هو موضحاً بالصوره العلويه وكتب علي التي شيرت الداخلي له ( تعاطفاً مع غزه ) رداً علي الاعتداءات الاخيره للكيان الصهيوني في الاراضي الفلسطينيه .
ولكني فؤجئت بخروج جميع وكلات الانباء بزف خبر تلويح الاتحاد الافريقي بعقوبه علي أبو تريكه وقال الاتحاد الإفريقي في بيانه إن أبو تريكة خرق النظم واللوائح بوضع شعارات سياسية أثناء المباريات.
فيا له من مبرر مضحك وساذج
فعندما لعبت ايران وأمريكا مباره في كأس العالم وتبادل الفريقين الاعلام ونادت وسائل الاعلام العالميه وقتها بأستغلال الرياضه لكي تكون هدف للتخفيف من حده الصراعات السياسيه
وعندما رفع اللاعب الغاني في كأس العالم الماضيه علم الكيان الصهيوني والتلويح به فرحا ولم يتعرض ولو لاشاره مثلما تعرض لها ابو تريكه .
فالرياضه هي اصلاح للنفوس ومثال للتنافس الشريف وليس لكسب رضاء وولاء القوي السياسيه
فمن وجهه نظري العقوبه أن تمت او التلويح بها ما هو الا تاج علي رأس كل لاعب يشير مثلما أشار أبو تريكه

فسحقاً لكل الجبناء والعملاء الذين غضوا البصر عن المذابح والمجازر والانتهاكات
وسحقاً للاتحاد الافريقي والدولي وجميع منظمات حقوق الانسان الخرساء
وتحيه لكل من يعبر عن ما بداخله دون اساءه او جرح للاخرين

إحساس يتملكني

2008-01-21T21:10:00.000+02:00

معرفش ليه تنّحت للدنيا كده
فجأة لقيتني مسكون بالملل
لا عندي رغبة في البكا
ولا في الكلام
ولا عارف أنام
ولا حتى بسأل إيه ده
وإيه أخرتها
و إيه العمل ؟
من شعر علي سلامه

هي الحرب قامت والا ايه...

2008-01-15T21:50:00.000+02:00

النهارده نازل متأخر علي الشغل شويه وبعدين فؤجئت بالموبيل بتاعي واحد معايا في المكتب بيقولي/ مفيد انا هتأخر شويه علشان الطريق واقف من العباسيه . قولت له خلاص تمام وبمجرد ما دخلت علي التحرير لقيت الدنيا مقلوبه والأمن المركزي وعساكر ايه في كل حته أستغربت شويه ولكن عرفت ان في مظاهرات علشان الكلب بوش . المهم كل الطرق مقفوله ومفيش طريق نمشي فيه حتي عبور المشاه مفيش وقفت وناس كتييييره واقفه معايا ومش عارفين نمشي في اي اتجاه .
سألت عسكري كده ماسك عصايه ودرع ولابس خوزه وكأنه علي خط النار
أنا / هو في ايه انتو واقفين ليه كده هي الحرب قامت
العسكري / والله ما عارف
أنا / أمال انت واقف ليه طالما مش عارف
العسكري / دي خدمه يا باشا
أنا / خدمه لمين ؟ لمصر ؟
العسكري / للحكومه يا باشا أصلهم بيقولوا في مظاهرات
أنا / مظاهرات عن ايه ( قولت استهبل )
العسكري / قال ايه عايزين يغيروا الريس
أنا /ياااااااه معقوله . وانت عايز ايه يا عمنا ؟
العسكري / أنا عايز اخلص الورطه دي وارجع البلد نفسي في اجازه
وبعدها مشيت وفكرت كويس اوي في كلام العسكري الغلبان ده قد ايه الراجل ده مش عارف حاجه ومحدش بيقوله حاجه ولا انتوانازلين ليه ولا رايحين فين أهم حاجه لما نقولك أضرب أضرب . والله يسامح اللي كان السبب
المهم روحت الشغل ليت زميلي راح قبلب وأتكتبت تأخير أنا وهو ولما قولت له علي اللي حصل قالي
خلي بقي العسكري والمظاهرات تنفعك أهو اليوم اتحسب تأخير

أنا وأبني والعلاقه العجيبه

2008-01-03T20:17:00.001+02:00

أعترف بأني كنت أب لم أكن أقدر معني الابوه الحاقه في بدايه الامر علي عكس زوجتي الصبوره. لاني كنت ممهتم بالشغل وأمور كثيره أكثر من اهتمامي بعبد الله اللهم الا عند عودتي للبيت والعب مع عبد الله قليلا ثم أنام واتركه لزوجتي وأسمع منها صباحا مغامراتهم معاً

لاني كنت غير معتاد علي الاطفال وكيف اتعامل معهم ؟ ومرت العلاقه بيني وبين عبد الله الا ان تم عامين وعلمنا بقرب حلول موعد اخيه الجديد وبدأت انا وزوجتي الحبيبه في تهيئه الجو لعبد الله بأنه سيكون له أخ يتقاسم معه تلك الحياه

من هنا بدأت العلاقه تأخذ الشكل المطلوب وبدأت اتقرب لعبد الله وأتذكر كلمات ابي لي: ان ابنك لما يبقي صاحبك كده وانت صغير تكبر ويكبر معاك وساعتها تلاقي انكم أصدقاء

فمن نعم الله علي ٌ اني تزوجت صغيرا ورزقني الله بالاولاد وانا صغير وهذه في حد ذاتها نعمه كبيره وبدأت اخصص وقتي كله لعبد الله. الي أن جاء ميعاد ولاده زوجتي ولن انسي يومها هذا عندما نمت انا وعبد الله في حضن بعض وزوجتي في المستشفي وكان اول ليله ينام عبد الله بعيد عن زوجتي وقتها أستيقظ عبد الله فجراً وسأل عنها وعن عدم تواجدها معنا وأين هي الان ؟

عبد الله صاحب الثلاثه اعوام اتعامل معه وكأنه صديقي أو اخي واتكلم معه والعب معه واتخانق معاه وبقيينا اصدقاء جدا لدرجه انه أصبح متعلق بي جدا .فلا ينام الا معي ولا يأكل الا معي ولا يشرب الي معي وينتظرني علي الباب وقت رجوعي من الشغل ويذهب معي للمسجد لاداء الصلاه ويخرج معي مع اصدقائيوكأنه واحد مننا ونذهب لشراء محتويات البيت حتي ان كل المنطقه تعرفه أكثر مني

أحببت تلك العلاقه العجيبه التي كنت افتقدها ولم أشعر بها الا مؤخراً . علاقه لا توصف ولن أقدر علي وصفها ولكن يكفي اني اقول ان أنا وعبد الله أصبحنا أصدقاء وما أجمل هذه الصداقه والمسئوليه اللذيذه التي أسال الله ان اكون علي قدرها و اتمني من الله عز وجل ان يكون هو وأخيه أحسن مني

تـذكـرت

2007-12-21T21:26:00.000+02:00

تذكرت

مدي حزني في أيام طفولتي لقرب موعد المدارس

عدم حبي للمذاكره وبكائي كل يوم دراسي صباحاً

دموعي عند أستلامي بطاقه الترشيح وعدم التحاقي بكليه الهندسه

فرحتي عندما وضعت اختي الكبري (عهد) أولي الاحفاد لأبي وأمي

تذكرت

أول مره أقول لزوجتي الحبيبه ( أحبك ) وكان الساعه 4 فجراً

دموعي يوم خطوبتي ولعدم وجود أختي الكبري لوجودها بالسعوديه

مدي سعادتي يوم زفافي وكأني طائر من علي الارض

لهفتي يوم ان وضعت زوجتي الحبيبه عبد الله وعبد الرحمن وخوفي عليها

سعادتي أول يوم لعبد الله في الحضانه وانا ذاهب لتوصيله

تذكرت

الرائع والمخلص محمد أبو زيد أول مدون أعرفه علي أرض الواقع

مصطفي الحسيني و منذر ومحمد جمعه من أطيب واجدع الناس اللي عرفتهم

مقالاتي عن الغش وعن وزيره القوي العامله وحجم المشاكل التي تعرضت لها

تذكرت

غرفتي وسريري وجهاز الكمبيوتر الخاص بي في بيت والدي

ايامي الجميله التي قضيتها في عمرتي الاخيره

دموعي المنهمره عند سماع سوره الحاقه

كل صديق وأخ لي يقدر معني الصداقه والاخوه الحقيقيه

تذكرت وتذكرت كل لحظه حلوه أعيشها

وأهرب من كل لحظه أريد الا أتذكرها

ولكنها تبقي

ذكريات

اللي بيلعبوا حُب

2007-12-05T10:44:00.000+02:00

كل ما أعدي على سور الكورنيش

ببقى نفسي أروح أطبطب على كل البنات و الأولاد

اللي بيلعبوا حُـب

و أقولهم إنتوا طيبين جدا

من شعر المبدع محمود عزت

تنهيده بشوق

2007-11-26T22:42:00.000+02:00

صوره لمقدمه الحجره النبويه بموبيلي

تعب السنين بنساه هنا . هنا حضن دافي
لو حتي حمل الدنيا كله فوق كتافي

هنا أيد بتمسح دمعتي تهون عليا
فين الاقي حنيه كده . والله ما في
*******
كلمات أغنيه لنغمه موبيل رنت علي موبيل نورهان
أثناء حوارنا سوياً عن ذكريات العمره

مأساه وطن لم يعد يرحم

2007-11-20T10:10:00.000+02:00

الصور دي عندنا في مصر والله العظيم

صوره اهالي وضحايا مأساه كفر العلو

الناس دي مساكين

لا ليهم ضهر يحميهم...ولا دولة اجنبية تسهر عليهم

والإسم عايشين في بلدهم

سكان كفر العلو عشان الي مش عارف...للأسف الشديد

الحكومة خدت اراضيهم و هدت عليهم بيوتهم و تركتهم في العراء

وعدتهم بتعويضات ما شافوش منها حاجة

الناس دي في الشارع من رمضان الماضي

تفاصيل المأسا ه

هنا

عايزين نعمل حاجه للناس دي؟

لا الحكومة هتشفع ولا هتنفع

وكلنا معرضين في اي لحظة ان بيوتنا تتهد على نافوخنا

ولا حد هيحوش عنا ولا حد هينصفنا

مش هينصفنا غير وقفتنا جنب بعض....نقف بجد بدعم حقيقي

مش بوقفات احتجاجية لا هتودي ولا هتجيب

الناس الي في حلوان الي هما اهالينا و ناسنا

قعدين في الشارع في عز البرد محتاجين بطاطين تحميهم و عيالهم من البرد

محتاجين لبس شتوي بدل الهدوم الي اتبهدلت تحت الأنقاض

محتاجين اكل لإنهم بياكلو الكفاف

محتاجين رعاية طبية خاصة للأطفال...

محتاجين ادوية و علاج...محتاجين ما يحتاجة اي لاجئ من اللاجئين في اي مكان

كمان محتاجين خيم لإنهم قاعدين في مكان على مجرى سيل

بيخرج عليهم افاعي وتعابين و حشرات و ذئاب

و حياتهم و حياة عيالهم طول الوقت مهددة بالموت

عايزين نعمل للناس دي اي حاجه

ده الميل بتاعي اللي عايز يعمل اي حاجه للناس دي يبعت لي

mido2252@hotmail.com

وانا أروحلوا اخر الدنيا

وده موبايل منذر مسئول التبرعات

0106778994

بالله عليكوا خليكوا مكان الناس دي

واختي واختك امي وامك بنتي وبنتك

بيناموا في الشارع ومش عارفين يعملوا ايه ؟

شوفوا هيبقي ايه احساسكم بقي

فليتسع صدرك لي

2007-11-14T14:03:00.000+02:00

فضيلة مفتي الديار الحكومية ( علي جمعه ) بات من أكثر الشخصيات أثارتاً للجدل في الفترة الاخيره

فكل يوم له مشكله معينه في حياتنا اليومية والتي تجعله كثير ما يقع في المحظور . ولكن هذه المره سقط سقوط مدوي عندما تصدر للإفتاء في قضيه غرق الشباب حيث صرح بأن( الشباب الغرقي ليسوا شهداء ولكنهم طماعين لأنهم سافروا بحثاً عن المال ) فقد كانت هذه الفتوى كالصاعقة علي كل الناس من عده أوجه وهي توقيت الفتوى والتي أحرقت قلوب أهالي الضحايا أكثر وأكثر والادله الواهية التي ساقها المفتي لتبرير الفتوى العجيبة وعندما تعرض للنقد خرج وبرر الموضوع بحجه وضيعه حينما قال هي ليست فتوي ولكنها رأي شخصي خاص بي

فليتسع صدرك لي يا فضيلة المفتي.فأنك لم تدخل في علم الغيب وتعرف هل هم شهداء أم لا ? فأنت لأتملك ختم الشهادة لتوزعه علي من تريد ومن وجهه نظري المتواضعة انه سفر شرعي بحثاً عن قوت يومهم الذي لم تنجح الحكومة في توفير العمل لهم أليس هذا سعي للرزق يا فضيلة المفتي ؟

فليس برجل مسئول مثلك مطالب بإصدار احكام شرعيه أن يعبر برأيه في مواضيع تحتاج إلي أحكام

فما أكثر من مفصلي تلك الأحكام والقوانين لتفصيلها علي مقاس الحكومة

من وجهه نظري أن الاعتذار الوحيد المقبول منك يا فضيلة المفتي وان كنت لا تقدر عليه

إلا وهو الإستقالة

تحيه للنادي الاهلي

2007-11-07T10:52:00.000+02:00

رغم خساره الكأس ورغم مراره الهزيمه ورغم حزني الشديد الا اني اشكر كل جمهور الاهلي العظيم

الذي ملئ جنبات الاستاد وأشكر جميع اللاعبين والجهاز الفني

انها الرياضه . فكم فوزنا من بطولات وكم حملنا الكأس وكم انتصرنا في نهائيات ورفعنا رايات النصر فهؤلاء هم ابطال افريقيا السابقين وهم ابطال الدوري . لابد من ان نشكرهم وان نقول لهم لكل جواد كبوه وانت كبير يا اهلي فليس بالضروره ان تأخذ كل بطوله تشارك فيها ولكن يكفيك فخرا انك شرفت كل الاهلويه

الي كل مشجع اهلاوي بحق

ارفعوا القبعات للنادي الاهلي ولهم كل التحيه فهزيمه بطوله ليست نهايه المطاف

دي لافته في مدرجات النادي المصري البورسعيدي
وجمهور الزمالك كان رافع علم تونس
وجمهور الاسماعيلي ضرب لاعبي الاهلي و هتف تونس طوال المباره

لما كل هذه الكراهيه والعداء للاهلي ؟
شكرا لكم ايتها الجماهير التي لا تعي معني الرياضه
وفهذا هو قدر الاهلي

عبد الرحمن محمد مفيد

2007-10-25T23:15:00.000+02:00

وجاءعبد الرحمن

قطعه الحلوي الجديده الذي يقف بجوار عبد الله

اللهم بارك لنا فيهم

إبراهيم السيد والويك إند

2007-10-21T09:26:00.000+02:00

صوره لإبراهيم أثناء حفل التوقيع

لقد قصٌرت في حق صديقي وحبيبي إبراهيم السيد ولم اتمكن من الحضورلحفل توقيع ديوانه الجديد ( كيف يقضي ولد وحيد الويك إند )الصادر عن دار ميريت وكان يجب عليً ان اتواجد في مثل هذه اللحظه بجواره وخروج أول اعماله الي النور الا ان ظروف حالت دون ذلك وعرفت تفاصيل هذا اليوم من محمد أبو زيد سعدت جدا جدا وقد أرسل لي نسختي مع محمود عزت موقع عليها بهذه الكلمات ( الي الشاهبندر والصديق الجميل أبو عبد الله افتقدك الليله ) لقد أوجعتني الكلمه الاخيره جداً لذا وجب عليً ان اقوم بنشر هذه التدوينه لك يا صديقي وهي أقل حاجه ممكن ان اقولها عنك

ديوان جميل ومختلف في تناول بديع ومحكم للبحر والاشخاص والاحوال المسيطره علي إبراهيم والصوره الشعريه المتعدده ولمحه الحزن التي خلف تعبيره

مات أبي الصيف الفائت

لمن أقصص رؤياي أذن ؟

أعجبتي بشده قصائد

سماء مرتبكه

عوده

غياب

موت مؤجل

والقسم الثالث لقطات بديعه ككل

ابن الدلتا الكسول

عقبال الاعمال الكامله يا برنس

بعد أن هدأت العاصفة

2007-10-18T21:41:00.000+02:00

بعد أن هدأت عاصفة شائعة موت الرئيس وقامت الدنيا ولم تقعد وأستغلها كل رموز النظام الهش في التطبيل والصيد في الماء العكر وتقديم رأس الشعب هديه قرباناً لفخامته

أنا ضد الخوض في الحياة الشخصية لأي مسئول لأنها ملكاً له ولكن الرئيس يعتبر استثناء عن هذه القاعدة لأنها تتعلق بمصير الشعب بأكلمة فبدلاً من معالجه الشائعة بحنكه سياسيه والطرق كثيرة إلا أنها اتبعوا السياسة التقليدية لهم تجاه أي مشكله وهي سياسة النعامة

. والتي جعلت الرئيس نفسه يندهش من سرعه انتشار هذه الشائعةآلا تعلم يا سيادة الرئيس أننا أصبحنا كدرجه السلم المتهالكة والتي تصعد عليها كل الدول وبدأنا تتلاشي شيئاً فشيئاً

فعلي الصعيد السياسي أصبحت السعودية والأردن يملكان زمام العرب بالكامل
وعلي الصعيد الثقافي أصبحت وزاره الثقافة مرتعاً للمرتشين
وعلي الصعيد الإعلامي فقد سحبت سوريا البساط كله منا

وعلي الصعيد الخارجي فأصبحنا كالقطيع نساق إلي السجون والمعتقلات ولا أحد يتحرك له ساكناً وما حدث مؤخرا بالكويت خير دليل

إنما علي الصعيد الداخلي فحدث ولا حرج من غلاء ووباء وفقر وظلم ومعيشة ضنك واضطرابات وأعتصامات

وصمتت الحكومة لأنها تعلم أنها زوبعة في فنجان وسوف تهدأ ولكنها لم تدرك ماذا خلفت وراءها من المشاعر الدفينة تجاه الرئيس ؟

فالكل سيموت ولكن من منا ستخلد ذكراه الحسنه بعد الموت

ومن منا يمزق وراءه صفحه التاريخ السوداء
فهذا هو السؤال ؟

دمـعـة صـدق

2007-10-09T10:07:00.000+02:00

ياربنا لك الحمد كما ينبغي لجلال وجهك وعظيم سلطانك

ياربنا

ما أحلمك عليً

خيرك إليً نازل

وشًري إليك صاعد

تتودد إليً بالنعم وأنت الغني عنيً

وأتجرأ عليك بالمعاصي وأنا أحوج ما أكون أليك

ومع هذا

أن عدت إليك قبلتني

وان سألتك أعطيتني

وإن باعدت عنك ناديتني

فأين لي من رب مثلك

اللهم هب لي عمل أخدم به ديني

يكون لي عذراً بين يديك

اللهم لا تمتني الا وأنت راض عني

اللهم إرض عني

صوره وأيه

2007-09-16T09:35:00.000+02:00

قررت أن أخرج عن صمتي التدويني وتوجيه رساله صغيره من وحي قرائتي للقرأن

إِنَّمَا ذَلِكُمُ الشَّيْطَانُ يُخَوِّفُ أَوْلِيَاءهُ فَلاَتَخَافُوهُمْ ( سوره ال عمران : 175 )

مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ ( سوره ق: 18 )

وَمَن يَكُنِ الشَّيْطَانُ لَهُ قَرِينًا فَسَاء قِرِينًا ( سوره النساء : 38 )

وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ ( سوره ال عمران:139

حَسْبُنَا اللّهُ وَنِعْمَ الْوَكِيلُ ( سوره ال عمران : 173 )

اقْرَأْ كَتَابَكَ كَفَى بِنَفْسِكَ الْيَوْمَ عَلَيْكَ حَسِيبًا (سوره الاسراء : 14 )

مجرد سؤال ...؟

2007-08-18T03:32:00.001+03:00

إيه أحلى شيء عملته فـ حياتك ؟

كدابين الزفة

2007-08-13T17:37:00.000+03:00

ماتت كريمه وقبلها بدور وبعدها يوسف وسنجد كل يوم ضحية جديدة ولكن ليس بسبب الختان كما هلل ونادي بها مفتي الجمهورية المبجل والذي لم نسمع له صوت في غلاء الأسعار أو عدم وجود قطره الماء للشرب ونادي بتجريم وحرمانيه الختان علي الرغم أنه في كتابه ( الدين والحياة ) أجاز فيه عمليه الختان ولكن للأسف .
لن أتحدث عن مدي حل أو حرمانيه الختان فماتت كريمه وبدور ويوسف ( أبن زميل لي ) يبلغ من العمر عامين بسبب جرعه بنج زائدة وهو يجري عمليه بالقلب ولكن سرعان ما خرجت علينا كدابين الزفة من منظمات المجتمع المدني تنادي وتندد وتشجب الختان وكأنه وليد اليوم ووجدوا موضوع يضيعون فيه أوقات فراغهم ويظهرون علي الساحات الاعلاميه ونسوا أخر استقصاء للمجلس القومي للمرأة علي الأمهات المصرية فوجدوا 97 % من الامهات المصريه قد أجروا عمليات ختان وقامت الدولة المحترمة بدفع ملايين الجنيهات وحملات توعيه للتصدي إلي الختان ونسوا مشاكل التعليم ومشاكل المياه حتى الخبز الذي عجزت الدولة علي توفيره تركت كل هذه المشاكل وتفرغت للختان

ولن نسمع عن مصير الطبيبة التي تسببت في قتل بدور

ولن نسمع عن الطبيب الذي قتل كريمه

لان ببساطه نجحوا كدابو الزفة في تمييع الحقيقة وإيهام الناس بأن الختان هو الطامة الكبرى وعدم التصدي للمشكلة الازليه التي ستستمر اليوم وأمس وغداً فهناك الألف مثل بدور وكريمه ماتوا بأخطاء الأطباء لكن للأسف ليسوا علي هوي كدابين الزفة حتى يتم تلميعهم أعلامياً.

أنا مع عمليات الختان التي تتم تحت أشراف الدكاترة والمتخصصين وليس عند حلاق القرية أو دكتور معاه دبلوم أو عيادة تحت بير السلم .

فلو أرادنا أن نقوم بالتصدي لعمليات الختان فمن باب أولي أن نقوم بإلغاء قسم الجراحة في الطب لأنه في النهاية عمليه ختان أو عمليه الزايده أو عمليه في القلب في النهاية المصير واحد وهو الموت مادامت هناك أصوات تحاول إيهامنا بالأشياء الزائفة بعيداً عن الحقائق المؤكدة .

شغل كايرو

2007-08-11T14:11:00.000+03:00

كلم إبنك
عن الناس
اللي كانوا عايشين زمان
إزاي كانوا بياكلوا
و يتكلموا
و يمشي
كلمه إن ربنا
مش زي ما حد حيقوله
لكن زي ما هو حيعرف
كلمه إن الناس مش بتقصد
الناس بتقول و خلاص
كلمه إنه يقول آسف
و شكرا
و بعد إذنك

في وسط البلد
أول مرة أشوف بارات
أول مرة أشوف أجانب فقرا
أول مرة أشوف دكاكين خمرة
أول مرة أشوف عمارات عتيقة
أول مرة أشوف شواذ
أول مرة أشوف بنات ليل
أول مرة أشوف مظاهرة
أول مرة أشوف وسط البلد
غربة ولاد مدارس الحكومة
فـ وسط البلد

غربة مميزة جدا

محمود عزت شاعرإمبابه الحقيقي الاصيل بجد مش علشان أبن عمتي لاء لانه انسان بجد طيب حنون وجدع جداً أول ما تعرفه لازم تحبه بس بيجي المواعيد متأخر بس مش مهم ربنا يهديه

ديوانه (شغل كايرو ) نزل أخيراً الاسواق .بجد ديوان تحفه لما تمسكه وتقرأه كأنك قاعد قدام الواد حوده وبتكلم معاك ويأخدك من أيدك يوديك يمين وشمال وانت مستمتع وبنهايه كل مقطع تعتقد أنه أجمل مقطع في الديوان وده سر روعته

والا بقي لما كتب قصيده عن خطيبته

بس حبيبتي

اللي اسمها الحركي "سوسن

أحلى حد شفته فـ حياتكم

بجد بديعه ورقيقه والواد حوده علي فكره رومانسي بس مش باين عليه خالص

وبيتكلم في المقاطع البديعه اللي في الديوان عن إمبابه والمظاهرات وأيام الثانوي والرغبات الملحه علي النفس والبنات ووصف جميل للاماكن وحاجات تانيه كتير محدش يعرف يقولها غير محمود أنا بجد مش بعرف احلل شعر لكن انا كتبت اللي حسيته في الديوان بجد.

كتير

لما أكون راجع بالليل قوي

نص صاحي

واسمع القرأن

اللي مشغلًه سواق الميكروباص

بحس إني عايز إبكي

رغم أنها مش أيات عذاب

يارب

ماتسيبنيش لوحدي

نهايه جميله لمقاطع من الشعر البديع

*اللون الاحمر مقاطع من الديوان

* الديوان موجود بدار ميريت ت/25797710 وقريبا بدار الشروق وديوان